Лукашэнка з'ехаў у родны калгас
25- 18.08.2017, 11:15
- 40,119
Дыктатару пакажуць гібрыднае жыта на палях пад Александрыяй.
Лукашэнка сёння робіць рабочую паездку ў Магілёўскую і Віцебскую вобласці, паведамляе прэс-служба дыктатара.
Кіраўнік на палях ААТ «Александрыйскае» і ААТ «Птушкафабрыка Аршанская» азнаёміцца з тэхналагічнымі магчымасцямі новага збожжаўборачнага камбайна «Палессе GS16», тэхналагічнымі працэсамі ўборкі азімай пшаніцы і жыта.
Дыктатару даложаць аб выкананні даручэнняў у арганізацыі ўборкі ўраджаю ў Беларусі ў цэлым, а таксама асобна ў Магілёўскай і Віцебскай абласцях, тэхналагічных асаблівасцях вырошчвання азімага гібрыднага жыта і перавагах гэтай культуры.
Размова таксама пойдзе аб выкананні даручэнняў Лукашэнкі ў стварэнні сучасных высокапрадукцыйных уборачных камбайнаў.
Нагадаем, што цяперашняя ўборачная кампанія паказала, што новыя беларускія камбайны ламаюцца пасля некалькіх гадзін эксплуатацыі ў палявых умовах.