Сіноптыкі распавялі, калі ў Беларусі спадзе спякота

У Беларусь прыйдуць халодныя паветраныя масы з паўночнага захаду Еўропы.

Спякота ў Беларусі пачне трохі спадаць ужо з нядзелі. Пра гэта агенцтву БелТА распавёў начальнік службы гідраметэаралагічных прагнозаў Рэспубліканскага цэнтра гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды Дзмітрый Рабаў.

У суботу, 19 жніўня, будзе пераважна без ападкаў, толькі ўночы ў Віцебскай вобласці, а ўдзень у паўднёва-заходніх раёнах краіны пройдуць кароткачасовыя дажджы, месцам магчымыя навальніцы. Вецер будзе паўночна-заходні 4-9 мэтраў за сэкунду, пры навальніцах парыванні да 14 мэтраў на сэкунду. Уночы тэмпература прагназуецца +15...+ 20 градусаў, удзень слупок тэрмометра ўзнімецца да 29-34 вышэй за нуль. У сувязі з высокай тэмпературай сіноптыкі абвясцілі аранжавы ўзровень небяспекі. У Менску ў суботу ўдзень будзе 30-32 са знакам "плюс".

У нядзелю захад краіны апынецца ў зоне франтальнай сістэмы, якія рухаюцца з тэрыторыі Польшчы. У Беларусь прыйдуць халодныя паветраныя масы з паўночнага захаду Еўропы. Уначы і ўдзень на захадзе пройдуць кароткачасовыя дажджы. У некаторых мясцінах прагназуюцца навальніцы, раніцай і ўдзень - моцныя дажджы, магчымы град. На захадзе Беларусі ўдзень будзе +16...+22 градусы, а на ўсходзе - 30-34 цяпла.

У сталіцы ў нядзелю ў другой палове дня магчымыя кароткачасовы дождж. Удзень сіноптыкі прагназуюць ад 23 да 25 градусаў са знакам плюс.

Удзень у панядзелак у Беларусі чакаюцца кароткачасовыя дажджы. У некаторых мясцінах прагназуюцца навальніцы, моцныя дажджы, удзень магчымы град. Тэмпература паветра поначы складзе +10...+16 градусаў, удзень будзе 15-22 вышэй за нуль. На ўсходзе ўночы сіноптыкі абяцаюць 17-20 градусаў цяпла, удзень - ад +23 да +30.