Начальнік ДВП: Хакейную форму ў калоніі пашылі, робім клюшкі

Першымі форму ад зняволеных прымераюць у ДЮСШ «Дынама».

Хакейная форма для юных спартоўцаў ужо пашытая ў папраўчай калоніі, клюшкі асуджаныя пакуль робяць з расейскіх нарыхтовак, паведаміў «СБ. Беларусь Сегодня» начальнік ДВП Сяргей Дарошка, піша tut.by.

- Форма ўжо пашытыя, у ПК-4. Для гэтага было набыта дадатковае абсталяванне. Форма прэзентаваная і зацверджаная. 30 жніўня аддаём 50 камплектаў на выпрабаванне ў дзіцяча-юнацкую спортшколу «Дынама». Затым, выслухаўшы прапановы і заўвагі, унясём карэктывы і запусцім новую прадукцыю ў масавую вытворчасць. Клюшкі, якія таксама выпускаюць нашы асуджаныя, пакуль робім, выкарыстоўваючы расейскія нарыхтоўкі. Зараз вядзем перамовы, каб вырабляць клюшкі сваімі сіламі і тым самым зрабіць таннейшымі іх.

Нагадаем, у траўні на алімпійскім сходзе Аляксандр Лукашэнка расказаў, як можна вырашыць праблему з дзіцячым хакейным інвентаром.

- Як быццам самая вялікая праблема! Хоць і не гэта праблема. Калі пачалі па гэтым хакеі абмяркоўваць, падымаецца міністр унутраных спраў і кажа: «Аляксандр Рыгоравіч, а што за праблема? Скажыце, дайце мне заданне. Мы ў папраўчых установах... для дзяцей. - Ну, хакеісты ў нас самавітыя, там «найкі» купім і канькі, і штаны. - А ўсё астатняе мы пашыем. І штаны, і нават канькі зробім». І ён мае рацыю. Што, для дзетак там форму не сшыюць? Прытым для любога віду спорту. І грошы застануцца ў нас, і капейкі гэта будзе каштаваць. Трэба купіць нейкі станок у нейкі ўстановы? Ну давайце купім яго! Але гэтым ніхто не займаўся, - сказаў Аляксандр Лукашэнка.

Пасля сходу міністр унутраных спраў даручыў ДВП прапрацаваць пытанне з пашывам формы.

- Думаю, што ў іх атрымаецца пашыць форму не горшую, а можа, нават і лепшую для дзяцей і па якасці, і па кошце, - заявіў Ігар Шуневіч.