У працы Facebook адбыўся збой
- 23.08.2017, 18:32
- 7,516
Многія карыстальнікі заявілі пра праблемы з доступам да сацыяльных сетак.
У працы сацыяльнай сеткі Facebook у сераду, 23 жніўня, адбыўся чарговы маштабны збой. Многія карыстальнікі заявілі пра праблемы з доступам, паведамляе The Independent са спасылкай на звесткі сайта Down Detector.
Паводле некаторых звестак, старонкі Facebook не загружаліся ў карыстальнікаў інтэрнэт-браўзэра Google Chrome. У большасці выпадкаў праблема вырашалася ачысткай кэша ў браўзэры.
Паводле звестак Down Detector, з праблемай доступу ў Facebook сутыкнуліся карыстальнікі з Японіі, Заходняй Еўропы і ўсходняй часткі ЗША. За апошнія дні зафіксавана блізу паўтары тысячы зваротаў аб адсутнасці доступу ў сацыяльную сетку.
Праблемы з доступам да Facebook адчувалі і жыхары Беларусі.