Жыхарка Сочы распавяла, чаму завабіла для ФСБ украінскага патрыёта ў Беларусь

Журналістам атрымалася знайсці дзяўчыну, з якой Павел Грыб павінен быў сустрэцца ў Беларусі.

19-гадовага ўкраінца Паўла Грыба, які напярэдадні знік у Беларусі, сапраўды затрымалі супрацоўнікі ФСБ Расеі. Пра гэта распавяла дзяўчына, з якой хлопец павінен быў сустрэцца ў Гомелі, паведамляе ТСН.

Як вядома, у Беларусі знік 19-гадовы сын ўкраінскага вайсковага капелана Павел Грыб. Яго бацька Ігар сцвярджае, што хлопец паехаў у Беларусь для сустрэчы з дзяўчынай, з якой, нібыта, пазнаёміўся праз Інтэрнэт. Аднак пасля перасячэння мяжы ўкраінец знік.

У паліцыі горада Гомель бацьку паведамілі, што яго сын знаходзіўся ў вышуку. Нібыта за тэрарыстычную дзейнасць. Аднак інфармацыі пра затрыманне хлопца не паступала.

Журналістам атрымалася знайсці дзяўчыну, з якой Павел павінен быў сустрэцца ў Беларусі. Ёю была 17-гадовая жыхарка горада Сочы.

Яна распавяла, што яе сапраўды курыравалі супрацоўнікі ФСБ. Яны прымусілі яе запрасіць хлопца ў Гомель. Дзяўчына сцвярджае, што вымушана была гэта зрабіць, бо таксама знаходзіцца пад следствам.

«Усё было падроблена. Мяне туды шантажом накіравалі, у Беларусь. Мы ўздымалі такія тэмы, як нацыяналізм ці нешта такое. Ну, наогул-то і супраць мяне справа распачатая. Можна сказаць, што праз размовы з ім тады і... Я вось пра гэта не магу распавядаць, таму што падпісала паперу аб невыдаванні», - сказала дзяўчына.