Зніклы ў Гомелі ўкраінскі патрыёт «знойдзецца» ў Краснадары?

Расейскі адвакат распавёў, дзе варта шукаць Паўла Грыба.

Расейскі адвакат Марк Фейгін не выключае таго, што 19-гадовы грамадзян Украіны Павел Грыб, які знік пасля сустрэчы ў Гомелі з дзяўчынай з Сочы, раптам з'явіцца ў будынку Управы ФСБ Краснадарскага краі, піша euroradio.fm.

"Такія выпадкі ўжо былі. Потым чалавек з'яўляўся ў Расеі і рабілася заява з боку ФСБ, што чалавек сам пераехаў мяжу. Сам, добраахвотна прыехаў на тэрыторыю Расеі і сам здаўся расейскім уладам, бо даведаўся, што знаходзіцца ў вышуку. Схема, якая будзе выкарыстаная для тлумачэння таго, як гэты хлопец, калі гэта ўсё ж выявіцца, апынуўся на тэрыторыі Расеі, будзе падобнай. Яна будзе абсурднай зместам і такой жа абсурднай формай. Зробяць заяву, што ён сам перасёк мяжу. Будуць усе казаць, што гэта нелагічна, што паверыць у гэта немагчыма, бо патрэбы самому ехаць здавацца ў яго ніякай не было - нікога гэта хваляваць у Расеі не будзе. І я дапускаю тут супрацоўніцтва паміж беларускім КДБ і расейскім ФСБ. Нават упэўнены, што такое сапраўды было. Праз нейкія інтарэсаў і прычын, пра якія нам ніколі не скажуць. Магчыма, ёсць нейкая адмысловае сакрэтнае пагадненне для такіх выпадкаў паміж ФСБ і КДБ: як у такіх выпадках дзейнічаць. І дзейнічалі паводле гэтай схемы", - кажа Фейгін.

Паводле неафіцыйнай інфармацыі, Павел Грыб сапраўды знаходзіцца ў Краснадары, у мясцовым ФСБ. Але афіцыйна журналістам гэтага не пацвердзілі. Хоць і не зняпраўдзілі. Прэс-афіцэр УФСБ РФ Краснадарскага краю настойліва параіў тэлефанаваць па каментары ў Маскву.

Марк Фейгін кажа, што каб атрымаць адказ пра месцазнаходжанне Паўла, МЗС Украіны павінна накіраваць адпаведную ноту ў МЗС Расеі. А бацьку хлопца трэба ад свайго імя напісаць запыты ў МЗС Беларусі і Расеі, а таксама ў ФСБ і КДБ. І заняцца пошукам адваката. Бо дзяржаўны адвакат, якога паводле інфармацыі Еўрарадыё ўжо далі Паўлу Грыбу, з абаронай у такой справе не справіцца. Але параіць, да каго звярнуцца, не здолеў.

"Гэта бацькам Паўла трэба вызначаць супольна з МЗС Украіны. Мае сэнс менавіта МЗС Украіны заняцца пошукам адваката ў Расеі. Калі справа будзе весціся ў Краснадары, то маскоўскі адвакат наўрад ці зможа ў ім удзельнічаць у поўным аб'ёме з улікам загрузкі і адлегласці", - адзначыў Марк Фейгін.

Што тычыцца прычын, чаму ФСБ выкрала Паўла Грыба, то расейскі адвакат не выключае, што, магчыма, справа ў расейскім жаўнеры Агееве, якога ўзялі ў палон на Данбасе і асудзілі ва Украіне. Фейгін не выключае, што ФСБ цяпер "хапае ўсіх, да каго можа дацягнуцца, каб сабраць добрую колькасць для абмену".

Нагадаем, 19-гадовы ўкраінец Павел Грыб прыехаў з Кіева ў Гомель на сустрэчу з дзяўчынай з Расеі 24 жніўня. Дадому ён так і не вярнуўся. Як даведаўся бацька хлопца Ігар Грыб ад гомельскіх міліцыянтаў, ягоны сын знаходзіцца ў вышуку паводле падазрэння ва ўчыненні тэрарыстычнага акту на запыт ФСБ РФ Краснадарскага краю і гораду Сочы. Дзяўчына, на сустрэчу з якой Павел прыехаў у Гомель, распавяла, што выцягнула яго ў Беларусь на патрабаванне ФСБ.