Анатоль Капскі больш не гендырэктар БАТЭ

Капскі працаваў гендырэктарам БАТЭ 12 гадоў.

Анатоль Капскі больш не генеральны дырэктар ААТ «БАТЭ» (Барысаўскага завода аўтатрактарнага электраабсталявання, кіроўнай кампаніі холдынгу «Аўтакампаненты»). На гэтую пасаду прызначаны Аляксандр Марчанка, які працаваў дырэктарам у прамыслова-тэхнічнай палітыцы і развіццю. Гэта прызначэнне ўзгадніў Лукашэнка, паведамляе «Еўрарадыё».

Капскаму 51 год. Ён працаваў гендырэктарам БАТЭ з чэрвеня 2005 года. У апошнія гады ў яго былі праблемы са здароўем. Як паведаміў Анатоль Капскі, ён напісаў заяву яшчэ два месяцы таму «паводле стану здароўя». Таксама ён з'яўляецца старшынём праўлення футбольнага клуба БАТЭ. Ці застанецца на гэтай пасадзе, каментаваць Капскі адмовіўся.