Мянчук спыніў рух на МКАД, каб выратаваць сабаку

У суботу ля вуліцы Машынабудаўнікоў на крайняй левай паласе апынуўся надзвычай ўпарты сабака.

Каб выправадзіць жывёліну з праезнай часткі, аднаму з кіроўцаў давялося спыніць плынь і выйсці з аўто.

- Я ехаў у сярэднім шэрагу з хуткасцю блізу 100 км/г. Заўважыў, што бус у левым шэрагу перада мной пачаў гамаваць, сам скінуў хуткасць, а потым убачыў і сабаку, - распавёў Onliner.by Юрый, аўтар відэароліка, размешчанага на YouTube. - У левым шэрагу быў чутны віск тармазоў, хтосьці з кіроўцаў пачаў сігналіць - напэўна, нерваваўся і не разумеў, што адбываецца наперадзе... Сабака быў з ашыйнікам, але стары. Напэўна, сядзеў спалоханы пад адбойнікам і разгубіўся, апынуўшыся на шляху аўто. Добра, што ўсё абышлося.