Менчукі ветліва параілі расейцам ехаць дадому з «Захад-2017»
5- 15.09.2017, 12:04
- 31,530
Графіці для слабых у геаграфіі суседзяў з'явілася каля чыгуначнага вакзалу ў Менску.
Фатаграфію надпісу «Тут не Расея» у цэнтры беларускай сталіцы апублікаваў у «Фэйсбуку» грамадскі актывіст Кірыл Васілеўскі. Надпіс з'явіўся ў дзень афіцыйнага пачатку вучэнняў «Захад-2017».
«Ветлівы напамін гасцям сталіцы - графіці ля выхаду з чыгуначнага вакзалу на Дружную у дзень афіцыйнага пачатку вучэнняў», - напісаў актывіст.
Вучэнні «Захад-2017» афіцыйна пачаліся 14 і прадоўжацца да 20 верасня.
Многія палітыкі і вайсковыя экспэрты мяркуюць, што расейскія войскі пасля вучэнняў застануцца ў Беларусі.
У вучэннях будзе задзейнічаны шэраг вайсковых палігонаў на тэрыторыі Беларусі: пад Лепелем, Барысавам, Віцебскам, Асіповічамі, Ружанамі і Даманавам. Таксама паведамляецца, што запланаваныя рэйды на «адцінку мясцовасці» каля Дрэтуні.
8 верасня на Кастрычніцкай плошчы ў Менску прайшла Акцыя папярэджання з патрабаваннем скасавання вучэнняў «Захад-2017».