Жыхары Крычава дамагліся замены скандальнага мэра
13- 15.09.2017, 18:48
- 34,947
Лукашэнку давялося «эвакуіраваць» апальнага старшыню райвыканкама Сысоева.
Новым кіраўніком Крычаўскага райвыканкама быў прызначаны Дзмітрый Бачкоў.
Да новага прызначэння Дзмітрый Бачкоў быў першым намеснікам старшыні Крычаўскага райвыканкама Васіля Сысоева. У Крычаўскім райвыканкаме Дзмітрый Уладзіміравіч курыраваў пытанні эканомікі і ў цэлым адказваў за працу эканамічнага блока.
Журналістам 6tv.by пакуль не ўдалося даведацца дакладна, дзе ж будзе працаваць у далейшым былы старшыня Крычаўскага райвыканкама Васіль Сысоеў.
Нагадаем, што за адстаўку Васіля Сысоева з пасады старшыні мясцовага райвыканкама актыўна выступалі шматлікія крычаўляне. На імя старшыні Магілёўскага аблвыканкама Уладзіміра Даманеўскага 27 чэрвеня быў накіраваны калектыўны зварот з патрабаваннем яго адстаўкі, пад якім паставілі свае подпісы 418 жыхароў горада Крычава і Крычаўскага раёна.
Падпісанты пад зваротам абвінавачвалі Васіля Сысоева ў развале прадпрыемстваў, на якіх трымалася эканоміка раёна: старога цэментнага завода, райпо, «Крычаўгрузаўта» і многіх іншыя. На думку падпісантаў, амаль усе сельгаспрадпрыемствы ў раёне знаходзяцца пад пагрозай банкруцтва, скарачаецца колькасць камерцыйных арганізацый і прадпрымальнікаў.