Дзяржаўныя СМІ прапануюць «караць рублём» за ўтрыманне жывёлін у горадзе
42- 19.09.2017, 11:11
- 40,160
Улады наважыліся ўзяцца за ўладальнікаў катоў, рыбак і хамякоў.
"Ці трэба рабіць больш жорсткім пакаранне за ўтрыманне жывёлін у горадзе?" - на такое пытанне прапанавалі адказаць беларускім гледачам ток-шоў "Наша жыццё". Праграма выйшла ў эфір вечарам 18 верасня на тэлеканале АНТ, піша сайт "Еўрарадыё".
Падчас перадачы форма пытання змянілася на больш мяккую: "Ці трэба рабіць больш жорсткай адказнасць за ўтрыманне жывёлін у горадзе?"
Як вядома, у Беларусі няма ніякага пакарання за ўтрыманне жывёлін у гарадскіх умовах. Уладальнікі сабак плацяць падатак, гаспадары катоў, рыбак, хамякоў і іншых дробных жывёлін не плацяць нічога.