Сямейная пара з Маладзечна згубіла торбу з $14 500: Грошы знайшліся, торбу скралі

Вялікую суму грошай выявілі ў кантэйнеры для смецця.

Смяхотны выпадак са шчаслівым вынікам адбыўся ў Маладзечне 8 верасня. Едучы на лецішча, сямейная пара забылася на вуліцы торбу з рэчамі і вялікай сумай грошай.

Як распавёў kraj.by прадстаўнік Маладзечанскага РАУС Уладзімір Васількоў, аператыўная група знайшла і вярнула сям'і забытыя даляры ў той жа дзень.

- Муж, жонка і двое дзяцей збіраліся на лецішча. У торбе з рэчамі яны паклалі і скрынку ад мабільнага тэлефона, дзе знаходзіліся 14 500 даляраў. Сям'я выйшла на вуліцу, села ў аўтамабіль, а торбу, пакінутую побач з аўто, забылася. Гаспадары хапіліся яе, толькі прыехаўшы на лецішча, - патлумачыў суразмоўца.

Жанчына патэлефанавала ў міліцыю і распавяла аб тым, што здарылася. Да названага месцы выехалі супрацоўнікі Маладзечанскага РАУС, але нічога не знайшлі. У пошуках вялікай сумы грошай вярнулася ў горад і шлюбная пара. Разам з аператыўнай групай яны аглядалі тэрыторыю.

У адным са смеццевых бакаў аператыўная група знайшла раскіданыя рэчы, якія ляжалі ў пакінутай торбе, а таксама скрынку ад мабільнага тэлефона. У ёй знаходзілася роўна 14 500 даляраў. Характэрна, што самай звычайнай гаспадарчай торбы сярод смецця не было.