Экс-удзельнік КВЗ распавёў пра забарону нумароў пра прэзідэнтаў
9- 19.09.2017, 20:35
- 31,663
У тэлевізійнай гумарыстычнай гульні больш няма аўтараў, якія пішуць такія нумары.
Былы ўдзельнік КВЗ Зміцер Колчын у інтэрв'ю YouTube-каналу Wanna Banana сказаў, што ў КВЗ існуе забарона на нумары і сцэнкі пра прэзідэнтаў, паведамляе gazeta.ru.
З ягоных слоў, у КВЗ больш няма аўтараў, якія пішуць такія нумары.
«Ніхто не піша такі нумар - сустрэча прэзідэнта Пуціна з прэзідэнтам Казахстана. Яго ніколі не будзе ў эфіры», - адзначыў Колчын.
Ён растлумачыў, што «праз шмат-шмат гадоў» такія нумары пачалі з'яўляцца, але «абавязкова кампліментарныя, абавязкова пакланенне».
У прэс-службе КВЗ зняпраўдзілі інфармацыю пра тое, што ў перадачы існуе забарона на нумары і сцэнкі пра прэзідэнтаў.
Зміцер Колчын - былы лідар каманды КВЗ «СОК», былы рэдактар Вышэйшай лігі КВЗ.