Суседзі Міхаіла Грабоўскага вярнулі сваю дарогу

Незалежныя СМІ дапамаглі разабрацца ў скандальнай справе.

Суседзі Грабоўскага сёння святкуюць маленькую перамогу - цяпер да іх дамоў зноў могуць праехаць смеццявозы і спецтэхніка. Праезд аднавілі літаральна за паўдня: Аляксандр Макараў, які жыве насупраць вядомага хакеіста, распавёў, што сёння раніцай сюды прыязджала, напэўна, вельмі вялікае начальства, бо адразу пасля гэтага на вуліцы з'явіліся трактары, машыны і рабочыя, піша tut.by.

Бетонную сцяну, вядома, зносіць не сталі, а вось водаадводную канаву пад ёй засыпалі буйным друзам. На абочыне насупраць выразалі кусты, праезную частку разраўнавалі і засыпалі друзам.

Калі мы прыехалі ў Воўкавічы, працы для пашырэння дарогі ўжо былі скончаныя. Толькі мужчыны з лапатай падраўноўваюць жвір. Пазней і ён схаваўся за металічнай брамай. Макараў кажа, што гэта быў не будаўнік, а бацька Міхаіла Грабоўскага.

- У нас, ягоных суседзяў, цяпер пытанне: хіба варта было з намі так псаваць стасункі? - задае рытарычнае пытанне Аляксандр Макараў. - Праезд цяпер ёсць, але ён усё адно меншы, чым быў. А вышыня бетоннай сцяны? Мае вокны якраз на яе выходзяць, а раней зусім іншы выгляд быў.

Цяпер у суседзяў у пашане «Парканная дыпламатыя» з выкарыстаннем ненарматыўнай лексікі.

- Я на бетонную сцяну наклеіў тую самую пастанову, адпаведна з якой паркан Грабоўскага прызнаваўся самавольна пабудаваным і на захопленай зямлі. Дык мне ўжо адказ напісалі, «інтэлектуалы». Я не стаў гэта зрываць - я тут нарадзіўся, і мяне ўсе вакол тут ведаюць. Хай цяпер і пра іх ведаюць.

Нагадаем, што зямельны скандал, у якім засвяціўся вядомы хакеіст, разгарэўся праз грунтавую дарогу ў вёсцы Ваўковічах. Частка яго падпорнай сценкі выйшла за межы пляцу, тым самым практычна перакрыўшы праезд для спецтэхнікі да суседзяў. Сцяну нават збіраліся знесці, але Лукашэнка наклаў рэзалюцыю - узаконіць самавольнае будаўніцтва. Пасля публікацый праезд быў адноўлены.