У Менску знаходзіцца расейскі спецназ
8- 25.09.2017, 16:06
- 50,428
У Беларусь прыбыло аддзяленне спецыяльнага прызначэння паветрана-дэсантных войскаў Расеі.
Падраздзяленне асобнага злучэння спецыяльнага прызначэння Паветрана-дэсантных войскаў РФ прыбыло ў нашу краіну для ўдзелу ў двухбаковым тактыка-спецыяльным вучэнні, паведамляе прэс-служба Мінабароны Расеі.
Колькасць расейскіх вайскоўцаў не называецца. Адзначаецца, што вучэнне пройдзе на адным з палігонаў Узброеных сіл Беларусі. У ім будзе адпрацоўвацца ўзаемадзеянне расейскага спецназа і байцоў сіл спецыяльных аперацый беларускага войска.
Падрыхтоўка да вучэння будзе праходзіць з 25 верасня да 8 кастрычніка.