Колькі Беларусь ужо выдаткавала на выплату адсоткаў на замежныя пазыкі

Завінавачанасць рэжыму дорага каштавацьме грамадзянам краіны.

Паводле звестак аплатнага балансу Беларусі, за I паўгоддзе 2017 года ў Беларусі было выдаткавана на выплату валавай асноўнай запазычанасці 1,9 мільярда USD, а на плацяжы за адсоткі ды іншыя выплаты - 0,7 млрд USD (без уліку гандлёвых крэдытаў і кароткатэрміновых абавязанняў дэпазітных арганізацый), паведамляе select.by.

У I паўгоддзі 2016 года выдаткі на выплату асноўнай запазычанасці былі значна вышэйшымі (2,3 млрд. USD), але выплаты адсоткаў складалі такую ж суму. Бо гандлёвыя крэдыты і кароткатэрміновыя абавязанні складаюць значную суму, поўныя выплаты адсоткаў значна перавышаюць названыя вышэй 0,7 млн USD.

Пры гэтым самая валавая замежная завінавачанасць Беларусі за шэсць месяцаў 2017 года дасягнула 39 млрд USD, перавысіўшы замежную завінавачанасць на 1 ліпеня 2016 года на 1,5 млрд. USD, гэта значыць на 3,9%.

Замежная завінавачанасць органаў дзяржаўнага кіравання вырасла на 1,9 млрд USD і дасягнула 16,1 млрд USD. У разліку на душу насельніцтва валавая знешняя запазычанасць на 1 ліпеня 2017 года вырасла да 4 104,8 USD з 3 947 USD на 1 студзеня 2017 года.

Нацыянальны банк Беларусі сваю замежную запазычанасць скараціў за паўгоддзе на 52,7 млн USD - да 1,4 млрд USD.

Замежная запазычанасць іншых дэпазітных арганізацый (без уліку Нацбанка) знізілася за гэты перыяд на 567,9 млн USD і склала 5,4 млрд USD. У асноўным, гэта крэдыты і пазыкі (на 4,6 млрд. USD). Абавязанні за дэпазіты склалі 515,5 млн USD, за пазыковыя каштоўныя паперы - 167,7 млн. USD, абавязанні за пазыковы інструмент у рамках міжфірмавага крэдытавання - 68 млн USD, іншыя абавязанні 14,6 млн. USD.

Замежная запазычанасць іншых сектараў эканомікі Беларусі за I паўгоддзе павялічылася на 130,1 млн USD і дасягнула 16 млрд USD. Асноўную частку гэтай запазычанасці складаюць гандлёвыя крэдыты і авансы на суму 7,4 млрд USD, а таксама замежныя крэдыты і пазыкі на суму 6,8 млрд. USD. Абавязанні за пазыковыя інструменты паміж наўпроставымі інвестарамі і прадпрыемствамі ў форме міжфірменнага крэдытавання склалі 1,9 млрд. USD.

Акрамя замежнай запазычанасці, у суб'ектаў гаспадарання Беларусі маюцца абавязанні перад нерэзідэнтамі, якія не належаць да замежнага абавязку. На 1 ліпеня 2017 года гэтыя абавязанні дасягнулі 17,7 млрд USD, павялічыўшыся ў параўнанні з пачаткам года на 0,8 млрд USD.

Наўпроставыя інвестыцыі з-за мяжы выраслі на 0,7 млрд USD і склалі 17,6 млрд USD Партфельныя інвестыцыі павялічыліся на 2,4 млн USD да 29,9 млн USD, а абавязанні за вытворныя фінансавыя інструменты выраслі ў 5 разоў - да 10,3 млн USD.