Экспэрт: Пасля вучэнняў «Захад-2017» РФ узмоцніць групоўку ў Беларусі

Адпаведныя рэкамендацыі Генштаба РФ ужо распрацоўваюцца.

Падчас вайсковых вучэнняў «Захад-2017» войска Беларусі падпарадкоўвалася камандам Генеральнага штаба Расеі, заявіў намеснік дырэктара Цэнтра даследавання войска, канверсіі і раззбраення ў міжнародных пытаннях Міхаіл Самусь 26 верасня на прэс-канферэнцыі ў «Главкоме».

Са слоў экспэрта, гэтая тэндэнцыя будзе прадоўжаная, і РФ узмоцніць сваю групоўку ў Беларусі. Напрыклад, гаворка ідзе аб нарошчванні рэсурснай прысутнасці: стварэнні дадатковых аэрадромаў падскоку, павелічэнні складаў боепрыпасаў і ГЗМ.

Нагадаем, супольныя вайсковыя вучэнні Беларусі і Расеі «Захад-2017» праходзілі 14-20 верасня на тэрыторыі Беларусі. Паводле звестак РФ, у іх бралі ўдзел да 13 тысяч вайскоўцаў, аднак звесткі незалежных назіральнікаў сведчаць, што да вучэнняў было прыцягнута больш за 200 тысяч вайскоўцаў.

Сакратар Рады нацыянальнай бяспекі і абароны Украіны Аляксандр Турчынаў заявіў, што прэзідэнт Расеі Уладзімір Пуцін падчас расейска-беларускіх вучэнняў «Захад-2017» прадэманстраваў гатоўнасць да наступальнай вайны.