Twitter зменіць правілы, каб не выдаляць паведамленні Дональда Трампа

Прэзідэнту ЗША афіцыйна дазволілі рабіць тое, чаго нельга астатнім блогерам.

Twitter, улюбёная сацыяльная сетка Дональда Трампа, абвясціла аб змене правілаў спецыяльна дзеля прэзідэнта ЗША. Цяпер правілы сэрвісу забараняюць абражаць іншых карыстальнікаў і заклікаць да гвалту. Па ідэі, на аснове гэтых забаронаў многія твіты Дональда Трампа - напрыклад, пра Паўночную Карэю і яе лідара Кім Чэн Ына - павінны быць выдаленыя. Цяпер адміністрацыя Twitter нарэшце патлумачыла, чаму ставіцца да Трампа не так, як да іншых карыстальнікаў, паведамляе meduza.io.

Пагадненне Twitter з карыстальнікамі наўпрост забараняе абразы і заклікі да гвалту. Вось што гаворыцца ў афіцыйных правілах сэрвісу: кожныя старонкі, у якіх публікуюцца наўпроставыя і ненаўпроставыя пагрозы, абразы, выказванні, якія распальваюць варожасць, могуць быць часова ці назаўжды заблакаваныя. Twitter стала карыстаецца гэтымі правіламі і, напрыклад, выдаляе акаўнты лідараў «альт-правых», але сэрвіс усё адно крытыкуюць за недастатковую барацьбу з цкаваннем і пагрозамі.

Многія твіты Трампа выглядаюць як парушэнне правілаў Twitter. Напрыклад, ён паказаў відэа, у якім сам Трамп збівае чалавека, твар якога заменены на лагатып тэлеканала CNN. Ці абражае тэлевядоўцу Міку Бзежынскі. Або, як у мінулую нядзелю, прыстрашыў КНДР знішчэннем у адказ на рэзкае выступленне прадстаўніка Пхеньяна на Генасамблеі ААН. Журналісты неаднаразова звярталі ўвагу на тое, што выказванні прэзідэнта ЗША могуць парушаць правілы Twitter, але ні адзін з твітаў выдалены не быў, а ў адміністрацыі сэрвісу тлумачылі, не ўдаючыся ў падрабязнасці, што ніякіх парушэнняў выяўлена не было.

На Трампа праз ягоныя твіты нават падавалі ў суд, але не за абразлівыя твіты, а за блакіроўкі. Калектыўны пазоў быў пададзены ў ліпені 2017 года, ён ініцыяваны карыстальнікамі, якіх Трамп з тых ці іншых прычын заблакаваў. Яны намагаюць, што асабістая старонка прэзідэнта ў Twitter - гэта нешта накшталт грамадскай прасторы і кожны чалавек мае права чытаць яе і выказваць сваё стаўленне да напісанага. На думку заяўнікаў, калі Трамп адпраўляе каго-небудзь са сваіх чытачоў у «бан», ён парушае першую папраўку да Канстытуцыі ЗША, якая гарантуе свабоду слова і доступ да інфармацыі. Пастанова паводле пазову пакуль не прынятая.

У КНДР мяркуюць, што Трамп праз Twitter абвясціў Пхеньяну вайну. 24 верасня прэзідэнт ЗША напісаў: «Толькі што чуў, як міністр замежных спраў Паўночнай Карэі выступаў у ААН. Калі ён транслюе думкі маленькага чалавека-ракеты [гаворка ідзе пра Кім Чэн Ына], то яны доўга не пратрымаюцца!» Да гэтага Трамп пісаў, што Кім Чэн Ын морыць сваіх людзей голадам і неўзабаве зазнае выпрабаванне, з якім не сутыкаўся раней. Кіраўнік паўночнакарэйскага МЗС Лі Ен Хо ў адказ на гэта заявіў, што Трамп фактычна абвясціў вайну КНДР і цяпер Паўночная Карэя мае ўсе падставы збіваць амерыканскія бамбавікі, якія лётаюць ля межаў дзяржавы.

Twitter нарэшце патлумачыў, чаму не рэагуе на твіты Трампа, - і паабяцаў выправіць правілы. У ноч на аўторак, 26 верасня, прадстаўнікі кампаніі пракаментавалі сітуацыю з апошнімі паведамленнямі Трампа. Як гаворыцца ў заяве, у кампаніі ёсць унутраныя правілы, якія забараняюць выдаляць «інфармацыйна значныя» твіты нават у тым выпадку, калі яны могуць парушаць правілы. Найбліжэйшым часам, паабяцалі ў Twitter, гэтае правіла з'явіцца ў пагадненні. Паводле якіх крытэраў адбіраюцца «інфармацыйна значныя» твіты, незразумела.