Ураган у Менску

У сталіцы ўраган зносіў прыпынкі і валіў дрэвы.

Як і абяцалі сіноптыкі, непагадзь абрынулася на сталіцу ў самым канцы працоўнага дня. А 19:00 падцягнуліся цёмныя хмары, з 19:30 у розных раёнах горада з рознай інтэнсіўнасцю пачаўся дождж, паведамляе «Онлайнер».

Раней у Рэспубліканскім гідраметэацэнтры распавядалі, што дажджавыя аблокі, як правіла, маюць адносна невялікі дыяметр - блізу 10 км. Гэтым тлумачыцца той факт, што ў розных раёнах горада надвор'е можа істотна адрознівацца: на адным канцы сталіцы, да прыкладу, шквал, а на іншым - толькі пахмурна.

Шквалісты вецер паваліў дрэвы на вуліцы Багдановіча.

- Вуліца Багдановіча, 7 секунд ветру і толькі каля першага пад'езда ляжаць 2 дрэвы. На тэрыторыі гімназіі і садка яшчэ па некалькі дрэў ляжаць мірна, - распавёў карыстальнік нашага форуму з нікам EfimenkoS.

Такая сітуацыя на вуліцы Куйбышава. Чытач Аляксей распавёў пра тое, што моцны парыў ветру паваліў некалькі дрэў усяго за пару хвілін.

На вуліцы Брыля ў Менску зваліўся навес прыпыначнага пункта. ёсць пацярпелыя

У гарадскім упраўленні МНС паведамілі, што на вуліцы парывам ветру быў павалены навес прыпыначнага пункта. Пацярпелі тры чалавекі, якія знаходзіліся там - гэта мужчыны 1996 і 1960 гадоў нараджэння, а таксама дзяўчына 1997 нараджэння. Усе дастаўленыя ў медыцынскую ўстанову, іх стан удакладняецца.

8 машын і 2 будынкі пацярпелі ад дрэў

Выратавальнікі ў гэты момант займаюцца вызваленнем аўтамабіляў і пабудоў ад абрынутых дрэў. Як паведамілі ў МНС, на гэты момант вядома пра восем пашкоджаных аўтамабіляў. У адным выпадку дрэва ўпала на тэрыторыю дзіцячага саду (сур'ёзных пашкоджанняў і пацярпелых няма), у адным - на прыватны дом. На вуліцы Сурганава дрэва ўпала на праезную частку, выратавальнікі выехалі на расчыстку.

Што далей?

Моцны парыў ветру садзьмуў рэкламу са шчыта ва Уруччы, на праспекце Незалежнасці.

Наш чытач распавёў, што а 19:20 знаходзіўся непадалёк у сваёй машыне.

- Рэзка наляцеў парыў ветру, машына небяспечна загайдалася. Гэта працягвалася некалькі секунд, а затым усё сціхла. Цяпер сітуацыя адносна спакойная. Дождж як дождж, толькі неба ўжо вельмі чорнае, - распавёў сведка.

У іншых раёнах горада таксама не адбываецца чагосьці экстрэмальнага. На праспекце Дзяржынскага адносна слабы дождж, такое ж надвор'е і паблізу «Менск-арэны».

Менску з асцярогай глядзяць на неба. Сіноптыкі папярэджвалі: інтэнсіўныя ападкі прагназуюцца ўначы і заўтра раніцай. Надвор'е сапсавалася мінімум да чацвярга.