Навукоўцы: Пасля магутнага выбліску на Сонцы да Зямлі накіроўваецца велізарная маса энэргіі

Колькасць энэргіі роўная таму аб'ёму электрычнасці, якое чалавецтва здольнае вырабіць за 500 гадоў.

Астраномы зафіксавалі самы моцны за апошнія 12 гадоў выбух у сонечнай кароне, які прывёў да разрыву, памерам большаму чым чатыры Зямлі. Велізарная маса энэргіі імчыцца цяпер да нас, пагражаючы сістэмам сувязі, навігацыі самалётаў і здароўю людзей, паведамляе ТСН.

Колькасць энэргіі, якая вырвалася з Сонца, вельмі складана палічыць, але для параўнання можна прадставіць усю электраэнэргію, якую чалавецтва будзе вырабляць больш за 500 гадоў, ці, напрыклад, некалькі мільёнаў атамных бомбаў. Усе гэтыя зараджаныя часціцы і згусткі плазмы ляцяць да Зямлі.

«У Зямлі ёсць уласнае магнітнае поле. Калі гэта магнітнае поле, выкінутае ў каранальную масу, узаемадзейнічае з магнітным полем Зямлі, назіраюцца геамагнітныя буры», - тлумачыць загадчыца аддзела фізікі Сонца НАН Украіны Наталля Шчукіна.

Перш за ўсё, гэта з'яўляецца рызыкай для электронікі - дакладнасць навігацыі можа даваць збоі. Акрамя таго, магчымы і ўплыў на самаадчуванне, таму лекары раяць асабліва адчувальным да касмічных з'яваў людзям больш гуляць на свежым паветры, добра высыпацца, піць дастаткова вады, не рызыкаваць з новай ежай, адмовіцца ад алкаголю і тытуню, паменшыць колькасць гарбаты, кавы і розных стымулятараў.

Нагадаем, 6 верасня на Сонца адбыліся адразу два выбліскі Х-класа, адзін з якіх увайшоў у дзясятку самых магутных, якія калі-небудзь удавалася замераць.