Рэзалюцыя акцыі 8 верасня: «Мы папярэджваем магчымых агрэсараў»
3- 8.09.2017, 20:30
- 24,515
Беларусы прынялі рэзалюцыю Акцыі папярэджання.
На Кастрычніцкай плошчы Менска прайшла Акцыя папярэджання супраць вучэнняў «Захад-2017». Удзельнікі акцыі аднагалосна прынялі рэзалюцыю Акцыі папярэджання. Сайт Charter97.org падае тэкст рэзалюцыі:
- Мы, патрыёты Беларусі, выказваем свой пратэст супраць уцягвання нашай краіны ў вайсковае супрацьстаянне Расеі супраць Украіны і блока NАТО.
Мы падтрымліваем тэзіс Канстытуцыі пра «імкненні Беларусі да нейтралітэту» і не хочам прысутнасці чужых войскаў на нашай зямлі.
Мы расцэньваем вайсковыя вучэнні «Захад-2017», як пагрозу суверэнітэту нашай краіны.
Мы паважаем памяць нашых продкаў - ваяроў Крутагор'я, бітвы пад Сінімі Водамі, Грунвальду, Клецка, Воршы, касінераў Каліноўскага, слуцкіх паўстанцаў і партызан Другой сусветнай вайны.
Мы ўважаем іх подзвіг за высокі прыклад служэння Айчыне і папярэджваем усіх магчымых агрэсараў аб нашай гатоўнасці бараніць незалежнасць Беларусі са зброяй у руках. Жыве Беларусь!