Беларуская гімнастка Любоў Чаркашына стала мамай
- 16.01.2018, 20:29
- 14,209
Бронзавая медалістка Алімпійскіх гульняў 2012 года нарадзіла дачку.
Вядомая беларуская гімнастка Любоў Чаркашына нарадзіла дачку, паведамляюць Міністэрства спорту і турызму і БФСТ «Дынама».
Бронзавая медалістка Алімпійскіх гульняў 2012 года, а цяпер старшая трэнерка нацыянальнай каманды Беларусі ў мастацкай гімнастыцы Любоў Чаркашына стала мамай.
Дзяўчынка вагой 4 кг і ростам 56 см нарадзілася 16 студзеня. Малую назвалі Верай.
У Instagram спартоўкі ўжо шмат віншаванняў з папаўненнем у сям'і.