Парламент Каталоніі ўзначаліў прыхільнік незалежнасці
- 17.01.2018, 17:15
- 8,552
Новы рэгіянальны парламент Каталоніі абраў сваім спікерам Ражэ Торэнта.
Падчас устаноўчага пасяджэння ў сераду, 17 студзеня, за кандыдатуру чальца Левай рэспубліканскай партыі Каталоніі Ражэ Торэнта прагаласавалі 65 дэпутатаў з 135, піша «Нямецкая хваля».
Да канца студзеня парламент у Барсэлоне павінен таксама абраць кіраўніка рэгіянальнай адміністрацыі. На датэрміновых парламенцкіх выбарах у Каталоніі 21 снежня лагер прыхільнікаў ідэі незалежнасці рэгіёна на чале з экс-кіраўніком каталонскай адміністрацыі Карлесам Пучдэмонам зноў атрымаў абсалютную большасць. Таму Пучдэмон павінен быць зноў абраны на пасаду кіраўніка рэгіёну. Ён, аднак, хаваецца ў Бэльгіі, пры вяртанні ў Гішпанію яму пагражае арышт.