Пад Лідай вясковец на Новы год надумаў пазбавіцца ад тэлевізара

«Зомбі-скрыня» была скінутая на прыпаркаваныя аўтамабілі.

Супрацоўнікамі Лідскага РАУС выяўленая асоба мужчыны, які падазраецца ў пашкоджанні аўтамабіляў «Volkswagen Golf» і «Volkswagen Jetta». 9 студзеня ўладальнікі аўтамабіляў звярнуліся з заявай у органы ўнутраных спраў і паведамілі пра злачынства. На месцы праваахоўнікі выявілі, што на машыны былі скінутыя тэлевізар, вазоны, а таксама фрагменты мэблі, паведамляе s13.ru.

Падчас правядзення аператыўна-вышуковых мерапрыемстваў у поле зроку супрацоўнікаў трапіў беспрацоўны жыхар вёскі Вавёрка Лідскага раёну 1972 года нараджэння. Як высветлілася, мужчына распіваў спіртное ўвечары 1 студзеня. У нейкі момант кроў закіпела, і грамадзянін надумаў пазбавіцца ад лішніх рэчаў. Праўда, зрабіў ён гэта не стандартным спосабам, а выкінуў у акно, распавялі ва УУС Гарадзенскага аблвыканкама.

Як вынік была пашкоджаная чужая маёмасць. У дачыненні да зламысніка была распачатая крымінальная справа паводле часткі першага артыкула 339 крымінальнага кодэксу Рэспублікі Беларусь - «Хуліганства». Мужчыну пагражае пазбаўленне волі да трох гадоў.