Банкаўскія карткі могуць не працаваць уначы 20 студзеня

Перапынкі ў абслугоўванні магчымыя з 03:00 да 04:00.

Банкаўскія карткі могуць не працаваць у Беларусі ўночы 20 студзеня. Пра гэта паведамілі ў Банкаўскім працэсінгавым цэнтры, які абслугоўвае 9,7 млн картак. Перапынкі ў абслугоўванні магчымыя з 03:00 да 04:00, адзначылі ў БПЦ, піша telegraf.by.

Рэч у тым, што менавіта ў гэты час Банкаўскі працэсінгавы цэнтр будзе праводзіць тэхналагічныя работы мадэрнізацыі комплексу апрацоўкі аўтарызацыйных запытаў у рэжыме рэальнага часу.

У сувязі з гэтым магчымыя перапынкі ў абслугоўванні трымальнікаў картак банкаў, а таксама ў сетцы арганізацый гандлю і сэрвісу, банкаматаў, інфакіёскаў ды іншыя такія непрыемнасці.