Сутычка сабакі і кракадзіла трапіла на відэа
5- 20.01.2018, 11:10
- 30,197
У сеціве з'явілася відэа, на якім сабака адважыўся ўступіць у бойку з 3,5-метровым кракадзілам.
Кадры двубою апублікаваў на YouTube карыстальнік ViralHog.
Як тлумачыць аўтар роліка, інцыдэнт адбыўся 23 снежня 2017 года на выспе Гот у Аўстраліі.
Паводле ягоных слоў, ён прыехаў у госці да Кінгу Каю - свайго знаёмца і ўладальніку выспы, у якога ёсць тэр'ер і кракадзіл на мянушцы Кейсі, які жыве ў рацэ.
Калі гаспадар выспы разам з сабакам выйшаў на шпацыр, ён паклікаў кракадзіла па імені. Кейсі выпаўз ім насустрач і з'еў жывое кураня.
Са слоў аўтара відэа, пасля гэтага сабака, магчыма, падумаў, што яго гаспадару пагражае небяспека, і напаў на рэптылію, укусіўшы яе за хвост. Кракадзіл спалохаўся і папоўз назад у вадаём.