Сэнат ЗША перанёс галасаванне аб часовым бюджэце

Гэта азначае падаўжэнне паўзы ў працы ўрада.

Галасаванне аб часовым трохтыднёвым бюджэце ў ЗША адбудзецца сёння апоўдні (20:00 паводле Менску) бо Сэнат Кангрэса перанёс галасаванне, паведамляе выданне The Hill (пераклад - zn.ua). Гэта азначае падаўжэнне паўзы ў працы ўрада.

Як адзначаецца, прадстаўнікі Рэспубліканскай і Дэмакратычнай партый зноў не здолелі прыйсці да агульнай пастановы. Лідары рэспубліканцаў і дэмакратаў Мітч Маконэл і Чак Шумер прадаўжаюць перамовы. Са слоў Шумера, пакуль прагрэсу ў дыялогу няма. У сваю чаргу, каардынатар фракцыі рэспубліканцаў Джон Корнін на пытанне журналістаў, ці працягнецца "шатдаун" у панядзелак, адказаў станоўча.

Першапачаткова планавалася, што сэнатары прагаласуюць наконт бюджэту ўночы ў панядзелак (раніцай паводле Менску).

Як паведамлялася, у ЗША федэральны ўрад прыпыніў працу ў сувязі з тым, што ў Сэнаце не знайшлося дастаткова галасоў для пастановы аб часовым фінансаванні.

Так, Сэнат вечарам у пятніцу, 19 студзеня, не прыняў праект часовага фінансавання федэральнага ўрада. Напярэдадні законапраект аб выдачы фінансавання да 16 лютага ўхваліла Палата прадстаўнікоў Кангрэсу ЗША.