Яўген Афнагель: Прапануем уладам разам адсвяткаваць 100-годдзе БНР
19- 23.01.2018, 13:56
- 39,699
Юбілей незалежнасці - гэта свята для ўсіх грамадзян Беларусі.
22 студзеня на пасяджэнні аргкамітэта для святкавання 100-годдзя БНР была прынятая пастанова звярнуцца ў дзяржаўныя ўстановы з прапановай удзельнічаць ва ўрачыстых імпрэзах.
Пра гэта сайту Charter97.org паведаміў адзін з лідараў Беларускага Нацыянальнага Кангрэсу, каардынатар грамадзянскай кампаніі «Еўрапейская Беларусь» Яўген Афнагель:
- З улікам выключнай важнасці юбілею Беларускай Народнай Рэспублікі для сучаснай беларускай дзяржаўнасці аргкамітэт прапаноўвае старшыні Менгарвыканкама Андрэю Шорцу і ягоным намеснікам асабіста прыняць заяву аб правядзенні акцыі 25 сакавіка.
Мы прапануем, каб у Менгарвыканкаме прайшла ўрачыстая цырымонія, на якой Андрэй Шорац з чыноўнікамі асабіста б прынялі ад кіраўнікоў аргкамітэта для святкавання 100-годдзя БНР заяўку на правядзенне акцыі.
Акрамя таго, запланаваны візіты ў дзяржаўныя ўстановы, у шэраг міністэрстваў і афіцыйныя СМІ. Мы прапануем уладам правесці святочную акцыю, прысвечаную стагоддзю БНР, разам. Каб у ёй узяла ўдзел максімальная колькасць грамадзян краіны, незалежна ад іх палітычных поглядаў.
Юбілей БНР - гэта агульнае свята, якое павіненна аб'яднаць усіх патрыётаў Беларусі.
Нагадаем, што запланаваная 25 сакавіка святочная акцыя ў Менску пачнецца а 14:00 на плошчы Якуба Коласа.
Аператыўную інфармацыю аб падрыхтоўцы святкавання 100-годдзя БНР можна атрымаць на паблік аргкамітэту ў сацсетках:
