Навукоўцы назвалі прадукты для ўзняцця настрою
4- 31.01.2018, 20:42
- 20,623
Зімовую хандру і дрэнны настрой дапамогуць перамагчы прадукты, багатыя магніем.
Да такой высновы прыйшлі даследчыкі з універсітэта Масачусеца, ЗША. Амерыканскія спецыялісты ўпэўненыя, што менавіта пэўныя прадукты дапамогуць пазбавіць ад сезоннай прыгнечанасці і дэпрэсіі, прыбраць галаўны боль і палепшыць самаадчуванне, піша zdorov-info.
Дэфіцыт магнію ў арганізме можа ўзнікаць, калі чалавек часта перажывае стрэсы і эмацыйныя перагрузкі. Таму важна ўключаць у свой рацыён прадукты, багатыя магніем. Шмат магнію ўтрымліваецца ў міндалі, фасолі, арэхах - грэцкіх, арахісе, кеш’ю, гарбузіках, чорным шакаладзе, зялёных яблыках, пшанічным вотруб'і.
Даследнікі правялі эксперымент на добраахвотніках з дэпрэсіяй: шэсць тыдняў удзельнікі эксперыменту елі, багатую магніем ежу. Медыкі адзначылі зніжэнне ўзроўню дэпрэсіі з умеранага да мінімальнага. Таксама добраахвотнікі адзначылі паляпшэнне стану здароўя, а менавіта - памяншэнне колькасці цягліцавых спазмаў і галаўных боляў. Нармальна засвойвацца магнію ў арганізме можа перашкодзіць ужыванне алкаголю, кафеіну, некаторых медыкаментаў (асабліва дыурэтыкі), харчовых дабавак.
Магній - важны для чалавечага арганізма элемент, які ўдзельнічае ў мностве біяхімічных рэакцый: пабудове коснай тканкі, сінтэзе бялкоў і г.д. Аднак як недахоп, так і лішак магнію ў арганізме можа негатыўна адбівацца на здароўі і ўплываць на працу сэрца, лёгкіх, стан касцяной тканкі, скуры, валасоў і г.д.