14 лiстапада 2018, Серада, 15:19
Падтрымайце сайт «Хартыя-97»
Рубрыкі

Пашынян абвясціў пра сыход з пасады прэм'ер-міністра Арменіі

НІКОЛ ПАШЫНЯН
ФОТА: NEWS.AM

Такія захады неабходныя для роспуску парламента і правядзення пазачарговых парламенцкіх выбараў.

Нікол Пашынян заявіў аб тым, што падае ў адстаўку з пасады прэм'ер-міністра Арменіі для роспуску парламента краіны і правядзення датэрміновых выбараў, паведамляе РБК са спасылкай на Reuters.

«Я падаю ў адстаўку <...> Усім жадаем поспеху на выбарах. Мы гарантуем справядлівыя выбары», - сказаў Пашынян.

Ён падкрэсліў, што яго адстаўка носіць фармальны характар, але ўсё ж з'яўляецца «вельмі хвалюючым момантам».

Раніцай у аўторак, 16 кастрычніка, Пашынян заявіў, што Арменія уваходзіць у новы перыяд сваёй гісторыі. «Мы павінны завяршыць распачатую вясной рэвалюцыю», - адзначыў ён, дадаўшы, што больш падрабязна спыніцца на гэтым пытанні ў сваім выступе ўвечары.

«Перазагрузка» парламента было адным з ключавых абяцанняў Пашыняна пасля яго прыходу да ўлады. Бо ў прэм'ера няма паўнамоцтваў распусціць парламент, кіраўнік Кабміна павінен падаць у адстаўку. Паводле канстытуцыі Арменіі, на працягу наступных двух тыдняў парламент павінен абраць новага кіраўніка кабінета міністраў. На гэта даецца дзве спробы. Калі прэм'ер не будзе абраны, то заканадаўчы орган распусцяць, а ў краіне прызначаць пазачарговыя парламенцкія выбары.

Пашынян раней распавядаў пра план правядзення датэрміновых выбараў. Ён прапанаваў дэпутатам былой кіроўнай Рэспубліканскай партыі Арменіі (РПА), «Дашнакцуцюн» і «Квітнеючай Арменіі» падпісаць дакумент, згодна з якім пасля адстаўкі Пашынян яны не прапануюць сваіх кандыдатаў на пасаду новага прэм'ер-міністра. З ягоных слоў, партыі разумеюць, што абранне новага прэм'ера справакуе негатыўную рэакцыю народа. Дэпутаты, падкрэсліў ён, «улавілі заклік народа» і «вусна запэўнілі, што не збіраюцца вылучаць свайго кандыдата на пасаду прэм'ера» пасля яго адстаўкі. Пашынян разлічвае, што пазачарговыя выбары павінны адбыцца ў снежні.