У пятніцу чакаецца да +5°С

Сіноптыкі распавялі, якім будзе надвор'е да канца тыдня.

16 лістапада надвор'е Беларусі будзе вызначаць вобласць павышанага атмасфернага ціску. Чакаецца воблачна з прасвятленнямі. Пераважна без ападкаў. На асобных адцінках дарог галалёдзіца, піша Гідрамет.

Уначы і раніцай месцамі слабы туман. Вецер усходні слабы. Тэмпература паветра мінімальная ўначы 0 ..-6°С, на ўсходзе краіны пры прасвятленнях да -9°С, у заходніх раёнах +1..+3°С. Максімальная тэмпература ў сярэдзіне дня -1..+5°С. Атмасферны ціск будзе расці.

17 лістапада надвор'е на большай частцы краіны будзе вызначаць вобласць павышанага атмасфернага ціску, толькі ўдзень у паўночных раёнах адаб'ецца ўплыў франтальнай сістэмы, якая перамяшчаецца з Фінскага заліва. Пераважна без ападкаў, толькі ўдзень месцамі на поўначы невялікія ападкі (дождж, мокры снег), слабы галалёд. У асобных раёнах туман, на дарогах галалёдзіца. Вецер няўстойлівы слабы. Тэмпература паветра мінімальная ўначы -2..-9°С, у асобных раёнах (у асноўным на паўднёвым усходзе) -10..- 3°С. Максімальная тэмпература ўдзень -3..+4°С.

18 лістапада рэспубліка будзе знаходзіцца пад уплывам франтальных сістэм. На большай частцы тэрыторыі пройдуць кароткачасовыя ападкі (дождж, мокры снег). Уначы і раніцай месцамі слабы туман і галалёд. На асобных адцінках дарог галалёдзіца. Вецер заходні, паўночна-заходні сярэдні. Тэмпература паветра мінімальная ўначы -4..+3°С, на паўднёвым усходзе -5..-8°С, максімальная ўдзень -1..+6°С.