100 гадоў таму Юзэф Пілсудскі распавёў свету аб аднаўленні Польшчы

Перад Польшчай у 1918 годзе стаяла задача не толькі абароны і зацвярджэння незалежнасці, але і еднасці.

16 лістапада ў Польшчы адзначаецца Дзень дыпламатычнай службы. Ён звязаны з падзеямі 16 лістапада 1918 году, паведамляе «Радыё Польшча».

Тады, пасля абвяшчэння 11 лістапада незалежнасці краіны кіраўнік дзяржавы Юзэф Пілсудскі накіраваў паведамленне ў розныя краіны свету пра аднаўленне польскай дзяржавы. У 2009 годзе быў абвешчаны Дзень дыпламатычнай службы.

Як адзначыў міністр замежных спраў Польшчы Яцэк Чапутовіч, перад краінай у 1918 годзе стаяла задача не толькі абароны і зацвярджэння незалежнасці, але і яднання: «У той час на тэрыторыі польскай дзяржавы былі ў абарачэнні розныя валюты, існавала розная шырыня чыгуначнага палатна, розныя правілы дарожнага руху, розныя прававыя сістэмы, якія існавалі ў трох дзяржавах, у якія ўваходзіла перш Польшча. Уніфікацыя, праведзеная на гэтай тэрыторыі ў той час, з'яўляецца вялікім і каштоўным дасягненнем».

У варшаўскім Бельведэры 16 лістапада праходзіць дыскусія экспэртаў на тэму дыпламатыі Рэспублікі Польшча ў 1918-1939 гадах.

У гэтыя выхадныя дзверы МЗС Польшчы будуць адчыненыя (паводле папярэдняга запісу) для ўсіх ахвотных азнаёміцца з працай замежнапалітычнага міністэрства.