Дзяржзапазычанасць Беларусі прадаўжае павялічвацца

За месяц запазычанасць вырасла на 1,36%.

Дзяржзапазычанасць Беларусі за студзень-верасень 2018 года ізноў вырасла і склала 44,6 млрд BYN, паведаміла Мінфінансаў. Прычым у месячным вылічэнні гэтае павелічэнне (на 0,6 млрд BYN, або на 1,36%) зусім нязначнае пасля рэкорднага за ўвесь 2018 год росту ў жніўні, калі гэты паказчык вырас адразу на 1,9 мільярда BYN, або на 4,5%, піша «Экономическая газета».

Аднак некаторым сродкам масавай інфармацыі такое сціплае павелічэнне здалося не заслугоўваючым абмеркавання - значна цікавей завастрыць увагу на тым, што ў параўнанні з пачаткам гэтага года дзяржзапазычанасць вырасла адразу на за 2,4 млрд BYN, або на 5,7%.

Дзеля справядлівасці адзначым, і яны не абышлі інфармацыю Мінфіна аб зніжэнні замежнай дзяржзапазычанасці, якая за верасень зменшылася прыблізна на 0,1 млрд USD, а з 1 студзеня 2018 года - на 183,0 млн USD (з улікам курсавых розніц), або на 1,1%.

У студзені-верасні 2018 года была прыцягнутая замежная дзяржпазыка на суму 1718,4 млн USD (за студзень-жнівень – 1632,5 млн USD, за студзень-ліпень г.г. – 1506,9 млн USD, г.зн., прыблізна па 100 млн USD за месяц дадаткова), у тым ліку 668,7 млн USD - ва ўрада і банкаў Расеі, 600,0 млн USD - у выглядзе еўрааблігацый, 325,9 млн USD - у банкаў КНР, 119,8 млн USD - у Міжнароднага банка рэканструкцыі і развіцця (МБРР) і 4,0 млн USD - у Еўрапейскага банка рэканструкцыі і развіцця і Паўночнага інвестыцыйнага банка (ЕБРР і СІБ). Параўнаўшы са звесткамі за папярэдні месяц, лёгка ўбачыць, што ў верасні былі дадаткова прыцягнутыя замежныя дзяржпазыкі на суму 85,9 млн USD, асноўная частка якіх (54,8 млн USD) зноў прыпадае на Расею.

У той жа час з пачатку 2018 года да верасня ўключна было выплачана вонкавай дзяржпазыкі на суму 1763,4 млн USD, у тым ліку 800,0 млн USD - па еўрааблігацыях, 341,4 млн USD - банкам КНР, 306,8 млн USD - ураду Расеі, 264,8 млн USD - Еўразійскаму фонду стабілізацыі і развіцця (ЕФСР), 48,7 млн USD - МБРР, 1,0 млн USD - ЕБРР і СІБ і 0,7 млн USD - Таварна-крэдытнай карпарацыі ЗША. Такім чынам, за верасень было кампенсавана запазычанасцяў на 126,4 млн USD. Асноўная выплата запазычанасці ў верасні, як і ў жніўні, прыпала на ЕФСР (88,2 млн USD), ад якога цяпер мы чакаем ужо апошняй (сёмай) раты крэдыту на 200 млн USD (шостая паступіла ў кастрычніку і яшчэ не паспела патрапіць у звесткі Мінфіна).

Унутраная дзяржзапазычанасць за студзень-верасень 2018 года тамсама вырасла - прыблізна на 0,1 млрд BYN - і на 9,6 млрд BYN, павялічыўшыся з пачатку года на 456,2 млн BYN (з улікам курсавых розніц), або на 5,0 %. За студзень-верасень 2018 года было размешчана ўнутраных валютных дзяржаблігацый для юрыдычных і фізічных асоб на суму 281,8 млн USD (з іх на 10,9 млн USD - у верасні), а кампенсавана валютных і рублёвых дзяржаблігацый для юрыдычных і фізічных асоб на суму 260,7 млн USD (19,2 млн - у верасні) і 23,1 млн BYN.