Урад падрыхтаваў новыя сюрпрызы для «дармаедаў»

Базу пашыраць за кошт звестак аб дзецях і навучэнцаў.

Улады падрыхтавалі некаторыя змены для «дармаедаў». Сярод іншага, абнавілі пералік звестак, якія ўтрымліваюцца ў базе, не занятых у эканоміцы. Змены прадугледжаныя пастановай Саўміна ад 8 снежня 2018 года №881.

Сайт tut.by паглядзеў, якія новаўвядзенні ўвядуць для «не занятых у эканоміцы».

Нагадаем, у Беларусі з 1 снежня запусцілі базу «не занятага ў эканоміцы насельніцтва». Тыя, хто трапіў пад дэкрэт у садзейнічанні занятасці насельніцтву, пры гэтым мае ва ўласнасці кватэры, з 1 студзеня будуць аплачваць па поўных тарыфах гарачае водазабеспячэнне, а з 1 кастрычніка 2019 года — газазабеспячэнне і цеплазабеспячэнне.

У базу звестак працаздольных грамадзян, не занятых у эканоміцы, уключаныя блізу 500 тысяч чалавек.

Якой інфармацыяй дапоўняць дармаедскую базу?

Унеслі некаторыя змены ў пералік інфармацыі, што змяшчаецца ў базе аб не занятым у эканоміцы насельніцтве. Так, цяпер у базе ёсць звесткі ідэнтыфікацыйнага нумара, а таксама такая інфармацыя, як прозвішча, імя, дата нараджэння, пол, грамадзянства, інфармацыя аб рэгістрацыі па месцы жыхарства( знаходжання), звесткі дакумента, які сведчыць асобу.

Да гэтага пераліку таксама дадалі такую інфармацыю, як падданства; дата смерці, дата абвяшчэння фізічнай асобы памерлай; дата скасавання пастановы аб абвяшчэнні фізічнай асобы памерлай;

дата прызнання фізасобы без вестак адсутнай, дата скасавання пастановы аб

прызнанні фізічнай асобы без вестак адсутнай; дата прызнання фізічнай асобы недзеяздольнай, дата скасавання пастановы аб прызнанні фізічнай асобы недзеяздольнай;

ідэнтыфікацыйны нумар і дата нараджэння дзіцяці; дата пазбаўлення бацькоўскіх правоў, аднаўлення ў бацькоўскіх правах.

Міністэрства адукацыі будзе ствараць агульную базу навучэнцаў.

Для фармавання і вядзення базы звестак грамадзян, не занятых у эканоміцы, Мінадукацыі падрыхтуе адзіную базу звестак навучэнцаў.

«Міністэрству адукацыі забяспечыць правядзенне да 1 красавіка 2019 года арганізацыйна-тэхнічных мерапрыемстваў інтэграцыі ў агульнадзяржаўную аўтаматызаваную інфармацыйную сістэму базы звестак навучэнцаў у мэтах аўтаматызацыі працэсу яе фармавання» — гаворыцца ў пастанове.

Суправаджэнне базы звестак навучэнцаў будуць ажыццяўляць за кошт сродкаў, прадугледжаных у рэспубліканскім бюджэце на функцыянаванне ўстановы «Галоўны інфармацыйна-аналітычны цэнтр Міністэрства адукацыі Рэспублікі Беларусь».

Як беларусам будуць паведамляць, што яны патрапілі ў базу?

Паведамляць беларусам пра ўключэнне іх у базу будуць з дапамогай адпаведных электронных паслуг агульнадзяржаўнай аўтаматызаванай інфармацыйнай сістэмы.

Улады таксама прапісалі, што інфармаваць аб аплаце ЖКП з кампенсацыяй выдаткаў будуць праз рахункі.

Што яшчэ змянілі?

Інфармацыю пра тых, хто вырабляе прадукцыю раслінаводства, жывёлагадоўлі на зямельных надзелах, выдадзеных для вядзення асабістай падсобнай гаспадаркі, будаўніцтва і абслугоўвання жылога дома, цяпер будуць уносіць у базу не аблвыканкамы і Менгарвыканкам, а Нацыянальнае кадастравае агенцтва.

Некаторыя змены датычацца складу сталай дзейнай камісіі ў каардынацыі работы для садзейнічання занятасці насельніцтва. Цяпер у яе склад сакратара могуць уключаць па жаданні. Пасада сакратара камісіі, якая ўваходзіць у яго склад, можа ўводзіцца ў межах устаноўленай колькасці работнікаў рай - або гарвыканкама. Сакратар камісіі, які не ўваходзіць у яе склад, можа з'яўляцца работнікам арганізацыі, падпарадкаванай адпаведнаму мясцоваму выканаўчаму і распарадчаму органу.

Раней было прапісана, што «сябры камісіі, за выключэннем сакратара, выконваюць свае абавязкі на грамадскіх пачатках». Цяпер гэты пункт выключылі.

Таксама прапісалі, што камісіі могуць «прымаць пастановы аб неабходнасці накіравання працаздольных непрацуючых грамадзян, якія вядуць асацыяльны лад жыцця, у лячэбна-працоўныя прафілакторыі з прадстаўленнем у тэрытарыяльныя органы ўнутраных спраў выпісак з пратаколаў пасяджэнняў камісій, якія змяшчаюць адпаведныя пастановы».

Цяпер у дакументах прапісана, што база звестак фармуецца на падставе аднясення грамадзян да працаздольных грамадзян, не занятых у эканоміцы. Пасля ўнясення змяненняў гэты пункт гучыць так: «база звестак фармуецца на падставе спісаў ідэнтыфікацыйных нумароў грамадзян, якія з'яўляюцца працаздольнымі грамадзянамі, занятымі ў эканоміцы, ці не адносяцца да працаздольных грамадзян, не занятых у эканоміцы».

Нагадаем, што беларусы, якія працуюць за мяжой, аўтаматычна трапляюць у «дармаеды». Складаць спісы будуць спецыяльныя камісіі, якія працуюць з асабістай інфармацыяй беларусаў.

Не раз заяўлялася аб тым, што «дармаеды» будуць аплачваць і іншыя паслугі, якія субсідуюцца дзяржавай, а «незанятых у эканоміцы беларусаў» палохалі ЛПП.

Нагадаем, што папярэдняя версія «дармаедскага дэкрэта» выклікала масавыя пратэсты, якія экспэрты называюць самымі маштабнымі ў Беларусі з часоў «перабудовы».