У рэйтынгу ўніверсітэтаў свету БДУ апусціўся на 40 пазіцый, БДМУ - на 27

RUR World University Rankings апублікаваў абноўлены рэйтынг універсітэтаў свету.

У яго ўвайшлі тры беларускія ВНУ - Беларускі дзяржаўны універсітэт, Беларускі дзяржаўны медыцынскі ўніверсітэт, Нацыянальны інстытут вышэйшай адукацыі, піша tut.by.

За год БДУ апусціўся на 40 пазіцый. У 2017-м універсітэт стаяў на 666-м месцы (з 764), у 2018-м заняў толькі 706-е (з 784).

БДМУ таксама страціў пазіцыі. У 2017 годзе ўніверсітэт ацанілі і паставілі на 745 месца, у 2018-м - на 772-е.

Упершыню ў рэйтынгу апынуўся Рэспубліканскі інстытут вышэйшай школы (РІВШ), які займаецца ў тым ліку падвышэннем кваліфікацыі і перападрыхтоўкі кадраў. Ён уваходзіць у структуру БДУ. У рэйтынгу РІВШ размясціўся на 731 месцы.

У гэтым годзе RUR World University Rankings ацэньваў эфектыўнасць 784 універсітэтаў паводле чатырох асноўных актыўнасцям: выкладанне, даследаванні, міжнародная разнастайнасць, фінансавая ўстойлівасць.

Іншы рэйтынг - RUR Subject Rankings, які ацэньвае вышэйшыя навучальныя ўстановы паводле прадметаў - увайшоў 761 вядучы ўніверсітэт свету. У гэтым топе апынулася толькі адна беларуская ВНУ - БДУ.

Ацэнка праводзілася ў шасці прадметных галінах: тэхнічныя навукі, сацыяльныя навукі, медыцынскія навукі, натуральныя навукі, класічныя мовы і літаратура, навукі аб жыцці.

У сацыяльных навуках БДУ падняўся на 103 пазіцыі - з 550-га месца ў 2017 годзе да 447-га. У прыродазнаўчых вобласці пазіцыі вядучай ВНУ Беларусі саслаблі: у мінулым годзе ён быў на 510 месцы, у гэтым - на 531-м. Як і ў навуках аб жыцці - з 537 месца да 555-га. Саступіў універсітэт і ў галіне класічных моў і літаратуры - у 2017-м ён быў 502-м, у 2018-м стаў 570-м. У тэхнічных навуках у мінулым годзе БДУ размяшчаўся на 483 месцы, у цяперашнім вылецеў з рэйтынгу.

У 2018 годзе найлепшым універсітэтам свету ў рэйтынгу стаў Гарвардскі універсітэт, на другім месцы - Універсітэт Чыкага, на трэцім - Каліфарнійскі тэхналагічны інстытут (Калтех). Стэнфард апынуўся пятым, Кэмбрыдж - дзясятым, Оксфард - 12-м.

У класічных мовах і літаратуры, а таксама ў сацыяльных навуках першынство ў Стэнфардскага ўніверсітэта, у медыцыне і тэхнічных навуках - у Гарварда, у навуках аб жыцці - ва Універсітэта Джона Хопкінса, у натуральных навуках - у Прынстанскага ўніверсітэта.

RUR, або Round University Ranking, - гэта міжнародная рэйтынгавая сістэма, якая ацэньвае эфектыўнасць 850 вядучых універсітэтаў свету з 80 краін. Рэйтынг складаецца з 2010 года.