Рахункі за студзень: на колькі вырасла аплата за ЖКП

Больш за ўсё падаражэла ацяпленне.

Беларусы пачалі атрымліваць рахункі за студзень, у якіх сумы выстаўленыя паводле новых тарыфаў.

Нагадаем, з 1 студзеня змяніліся асобныя субсідаваныя, а таксама кошты, што забяспечваюць поўную кампенсацыю эканамічна абгрунтаваных выдаткаў на прыродны газ, электраэнергію і ацяпленне. Партал tut.by паглядзеў на прыкладзе рахунку за двухпакаёвую кватэру ў Менску, на колькі падаражэла «камуналка».

За двухпакаёвую кватэру ў Менску агульнай плошчай 58,1«квадрата», у якой прапісаны адзін чалавек, за студзень прыйшоў рахунак на 44,88 рубля. Паводле льготных тарыфаў налічылі 35,97 рубля, за астатняе (перарасход вады) - поўным.

Для параўнання снежаньскага і студзеньскага рахунку возьмем суму, якая ў мінулым месяцы «набегла» у сталічнай «двушцы» льготнымі тарыфамі, - 35,97 рубля.

Больш за ўсё пацягнула ацяпленне - 17,73 рубля. Гэты артыкул выдаткаў не змяніўся, бо льготны тарыф на цеплазабеспячэнне (ацяпленне і абаграванне вады) з 1 студзеня не змяніўся, ён па-ранейшаму складае 16,9259 рубля за 1 Гкал. Тарыф на капрамонт жылога дома таксама не змяніўся, ён застаўся на ранейшым узроўні - 0,0953 рубля за 1 квадратны метр агульнай плошчы жылога памяшкання. Таму сума ў студзеньскім рахунку засталася ранейшай - 5,54 рубля.

Льготны тарыф на тэхабслугоўванне жылога дома са студзеня вырас да 0,1187 рубля за 1 квадратны метр агульнай плошчы жылога памяшкання (было - 0,1084). Таму гэтая графа ў рахунку за 30 квадратаў субсідаваным тарыфам каштавала ў студзені 3,56 рубля, а ў снежні - 3,25 рубля.

Субсідаваны тарыф на водазабеспячэнне паднялі з 0,5748 рубля да 0,8053 рубля. У студзені за гэтую паслугу заплацілі 3,5 рубля за 4,34 кубаметру, а ў снежні за гэты ж аб'ём заплацілі 2,49 рубля. Тарыф на водаадвядзенне (каналізацыю) са студзеня вырас у Менску з 0,3838 рубля да 0,5398 рубля (у рэгіёнах гэты тарыф вырас да 0,6191 рубля). У студзені атрымалася сума на 2,34 рубля, а ў снежні за той жа аб'ём (4,34 кубаметру) - 1,67 рубля.

Тарыф на тэхабслугоўванне ліфта вырас да 1,4 рубля за аднаго жыхара (было 1,28 рубля). У студзені ўласнік гэтай «двушкі» заплаціў 1,4 рубля, а ў снежні - 1,28 рубля.

Тарыф на санітарнае ўтрыманне дапаможных памяшканняў са студзеня складае 0,56 рубля на аднаго жыхара (у снежні - 0,53 рубля). Адпаведна сума вырасла з 0,53 да 0,56 рубля.

За камунальныя адкіды ўласнік «двушкі» у студзені заплаціў 1,34 рубля, а ў снежні за той жа аб'ём - 1,14 рубля.

Разам: 35,97 рубля ў студзені, у снежні старымі тарыфамі пры тым жа аб'ёме спажытых паслуг атрымалася сума 33,63 рубля. Розніца - у 2,34 рубля.

Як змяніліся сумы ў рахунках за поўныя тарыфы?

Поўны тарыф за каналізацыю ў Менску вырас са студзеня да 0,5398 рубля за 1 кубаметр (раней быў 0,5103 рубля). У студзені за перарасход у 2,66 кубаметру ўласніку «двушкі» давялося заплаціць 1,44 рубля. Снежаньскімі тарыфамі за гэты ж аб'ём выйшла б 1,36 рубля.

100% тарыф на водазабеспячэнне павысілі да 0,8114 рубля за 1 кубаметр (быў - 0,7638 рубля). За перарасход на 2,66 кубаметру ў студзені атрымалася 2,16 рубля, у снежні за гэты ж аб'ём было 2,03 рубля.

Адзначым, што ў рэгіёнах адрозніваюцца поўныя тарыфы на каналізацыю і водазабеспячэнне.

За тэхабслугоўванне поўны тарыф вырас да 0,1216 рубля за 1 кв метр (было - 0,1155 рубля). За лішнія 28,1 «квадрата» ў «двушцы» у студзені заплацілі 3,42 рубля, а ў снежні - 3,25 рубля. У рэгіёнах 100% тарыф на тэхабслугоўванне падвысілі да 0,1274 рубля за 1 кв метр.

Нагадаем, у пачатку студзеня Лукашэнка падпісаў указ аб планавым падвышэнні «камуналкі», якім устанавіў гранічна дапушчальныя тарыфы. Пасля гэтага аблвыканкамы і Менгарвыканкам павінны былі зацвердзіць новыя тарыфы на жыллёва-камунальныя паслугі. Галоўная ўмова - тарыфы не павінны быць вышэйшымі за гранічна дапушчальныя, якія зацвердзіў правадыр. Бліжэй да сярэдзіны студзеня ў рэгіёнах і Менску зацвердзілі новыя тарыфы на жыллёва-камунальныя паслугі.