Трамп падтрымаў новы законапраект аб іміграцыі

Прэзідэнт ЗША заклікаў усіх сенатараў галасаваць за гэтую ініцыятыву.

Прэзідэнт ЗША Дональд Трамп заявіў у сераду, што падтрымлівае законапраект аб іміграцыі, распрацаваны сенатарам-рэспубліканцам Чакам Граслі, і заклікаў усіх сенатараў прыняць яго, паведамляе «Голас Амерыкі».

«Я заклікаю ўсіх сенатараў ад абедзвюх партый падтрымаць законапраект Граслі і не падтрымліваць ніякія законапраекты, якія не прадугледжваюць чатыры асноватворныя прынцыпы, у тым ліку прынцып недапушчальнасці часовых захадаў», - сказаў Трамп пра чатыры патрабаванні Белага дома да іміграцыйнай рэформы.

У апублікаваным прэс-рэлізе Белага дома прыводзіцца заклік прэзідэнта Трампа ратыфікаваць «адказную і заснаваную на здаровым сэнсе іміграцыйную рэформу, якая б была карыснай для амерыканскага народа».

Паўгода таму Белы дом даручыў Кангрэсу, дзе большасць цяпер складаюць рэспубліканцы, распрацаваць перманентны іміграцыйны закон, які б прыйшоў на змену рэформам адміністрацыі Абамы.

За апошнія тыдні, Трамп прапанаваў стварыць магчымасць атрымання грамадзянства ЗША для за 1,8 млн незадакументаваных «летуценнікаў», якія прыбылі ў краіну нелегальна, а таксама стварыць перавагу для высокакваліфікаваных замежных спецыялістаў.

Цяперашні тыдзень на Капітоліі быў амаль цалкам прысвечаны дэбатам у іміграцыйных пытаннях. Лідар рэспубліканскай большасці ў Сенаце Мітч Макконел са штата Кентукі выступіў ва ўнісон з прэзідэнтам і заклікаў сваіх калегаў да радыкальнага перагляду іміграцыйнага заканадаўства.

«Здаровы сэнс кажа нам, што бескарысна лячыць толькі адзін сімптом хваробы ў нашай іміграцыйнай палітыцы. Мы павінны таксама заняцца і больш глыбіннымі праблемамі».

Дэмакраты пярэчаць на гэта, што радыкальная іміграцыйная рэформа павінна праводзіцца асобна ад разгляду лёсу DACA (Deferred Action for Childhood Arrivals) - закона, які абараняе ад дэпартацыі т. зв. «летуценнікаў»: тых жыхароў ЗША, хто быў прывезены ў краіну ў малалетнім узросце бацькамі-нелегаламі.

«Мы не станем заставацца ў баку, - заявіў сенатар-дэмакрат ад штата Ілінойс Дзік Дурбін, - і не дазволім «летуценнікам» стаць палітычнымі закладнікамі ўсёй шырокай іміграцыйнай палітыкі адміністрацыі (Белага дома)».

«Галоўнае - дыскусія аб іміграцыі, а не толькі спрэчка аб (праграме) DACA, - пярэчыць гэтаму сенатар Граслі. - Дыскусія аб іміграцыі павінна ўключаць і дыскусію аб захадах...закліканых выдаліць небяспечных злачынцаў-замежнікаў з нашай краіны».