У Расеі гарэў баявы карабель «Бясстрашны»

Узгаранне тушылі дзве гадзіны.

Вартаўнічы карабель Балтыйскага флоту «Бясстрашны» загарэўся ў сераду, 14 лютага. Узгаранне тушылі дзве гадзіны, паведамляе Mil.Press FlotProm са спасылкай на словы выконваючага абавязкі начальніка ГУ МНС Калінінградскай вобласці палкоўніка Аркадзя Ажыгіна, піша tut.by.

«Інфармацыя аб ПП паступіла ў рэгіянальны цэнтр кіравання крызіснымі сітуацыямі а 14.33 паводле маскоўскага часу. Праз сем хвілін першыя ратавальнікі, якія прыбылі на месца, прысвоілі пажару ранг №2. Узгаранне ўдалося лакалізаваць а 16.10 без зніжэння катэгорыі складанасці».

Пажар здарыўся ў адным з памяшканняў на баку карабля, плошча ўзгарання склала 10 квадратных метраў. Паводле папярэдніх звестак, прычына надзвычайнага здарэння - невыкананне тэхнікі бяспекі пры зварачных працах. Для ліквідацыі ўзгарання былі задзейнічаныя 54 чалавекі і 15 адзінак тэхнікі. Пры тушэнні ніхто не пацярпеў, цяпер карабель рамантуюць на калінінградскім заводзе «Бурштын».

«Бясстрашны» - галаўны вартаўнічы карабель праекта 11 540 «Ястраб», пабудаваны ў 1993 годзе на «Бурштыне». З 2014 года «Бясстрашны» знаходзіцца на рамонце. Першапачаткова яго планавалі вярнуць у строй у канцы 2016 года, але аб'ём работ выявіўся большым, чым меркавалі, таму тэрмін здачы карабля быў перанесены на лістапад 2017 года, а пазней - на 2019 г.