Работнікі пінскай фабрыкі «Палессе» атрымліваюць частку заробку прадуктамі
4- 15.02.2018, 17:59
- 11,243
Многія прадпрыемствы маюць запазычанасці нават у выплатах падаткаў.
Заробкі прадукцыяй атрымліваюць супрацоўнікі пінскай фабрыкі «Палессе». Замест налічаных грошай ім выдаюць прадукты не менш чым на сорак рублёў. Кіраўніцтва прадпрыемства спасылаецца на эканамічныя праблемы і просіць пачакаць рабочых, паведамляе «Радыё Рацыя».
- Многія прадпрыемствы маюць запазычанасці нават у выплатах падаткаў, - распавёў старшыня берасцейскай абласной арганізацыі Незалежных Прафзвязаў Беларусі Валянцін Лазарэнкаў:
- Пераходзім на натуральны абмен: баран, сякера і гэтак далей, ну хоць гарошкам, курамі, адзеннем - былі б такія прадпрыемствы, у якіх у людзей ёсць патрэбы. А куды потым гэты гарошак падзець, як яго прадаць?
Сярэдні заробак на пінскай фабрыцы «Палессе» складае крыху больш за 300 рублёў - 150 даляраў. Гэта амаль рыса беднасці.