Заканадаўцы ЗША заклікалі да дзеянняў у дачыненні да Расеі

Рэспубліканцы і дэмакраты адрэагавалі аднадушна.

Заканадаўцы ад абедзвюх партый заклікалі да дзеянняў пасля таго, як група спецпракурора Роберта Мюлера заявіла пра выстаўленыя абвінавачванні групе грамадзян РФ, абвінавачаных у незаконным ўмяшанні ў амерыканскія выбары, піша «Голас Амерыкі».

Пол Раян, рэспубліканскі спікер Палаты прадстаўнікоў апублікаваў заяву, у якой, між іншым, гаворыцца: «Гэтыя расейцы ўцягнутыя ў нахабную і сістэматычную атаку на нашу палітычную сістэму». Ён таксама заклікаў абараніць будучыя амерыканскія выбары ад замежнага ўмяшання.

Сенатар-дэмакрат Марк Уорнер паабяцаў аказваць ціск на кампаніі, якія кіруюць сацыяльнымі сеткамі, каб тыя былі «нашмат больш агрэсіўнымі і актыўнымі пры рэагаванні на гэтую пагрозу».

Заклік да дзеянняў, зыходзіць ад абедзвюх партый, стаў адыходам ад ранейшых спрэчак паміж рэспубліканцамі і дэмакратамі пра ход расейскага расследавання - што выклікала сумневы, што Кангрэс зможа распачаць эфектыўныя дзеянні.

Некаторыя дэмакраты заявілі, што прэзідэнт Дональд Трамп цяпер павінен спыніць намагаць на тым, што ўмяшанне Расеі ў выбары не больш, чым «хлуслівыя навіны». Сенатар Браян Шатц напісаў у «Твітэры»: «Гэта ВЕЛЬМІ добра зробленая фальшыўка».

Іншыя заканадаўцы запатрабавалі неадкладнага ўвядзення санкцый у дачыненні да Расеі - адпаведны закон Кангрэс прыняў летась, аднак адміністрацыя Трампа не імплементавала яго.

Рэспубліканец Дэвін Нунес, кіраўнік Камітэта выведкі Палаты прадстаўнікоў, назваў урад прэзідэнта РФ Уладзіміра Пуціна - «пагрозай амерыканскім інтарэсам».

Дэмакрат Адам Шыф назваў выстаўленыя абвінавачанні «значным крокам наперад». Ён падкрэсліў, што абвінавачанні «пакідаюць адкрытым жыццёва важнае пытанне пра тое, ці выканалі амерыканцы, у тым ліку звязаныя з кампаніяй Трампа, нейкую ўсвядомленую ролю ў рамках актыўных мерапрыемстваў Расеі».