Беларуса затрымалі ў аэрапорце Турына за кантрабанду цыгарэт
12- 17.02.2018, 18:22
- 18,014
У двух ягоных валізках было выяўлена блізу 140 каробак з цыгарэтамі.
Італьянская фінансавая паліцыя затрымала ў міжнародным аэрапорце Турына 40-гадовага беларуса з вялікай колькасцю кантрабандных цыгарэт, піша сайт «Беларусь и мир» са спасылкай на інфармацыйнае агенцтва Askanews.
У зале прыбыцця пасажыр, пазбягаючы працэдуры кантролю, не стаў адразу забіраць свой багаж. Гэта насцярожыла супрацоўнікаў паліцыі, якія пачалі ўважліва назіраць за ім.
Мужчына адправіўся з рэчамі на кантроль пазней, каб змяшацца з пасажырамі іншых рэйсаў.
У выніку праверкі ў двух ягоных валізках было выяўлена блізу 140 каробак з цыгарэтамі агульнай масай прыкладна 30 кілаграмаў.
Цяпер кантрабандысту пагражае 5 гадоў турмы і штраф да 140 тысяч еўраў, паведамляе агенцтва са спасылкай на пракуратуру Турына.