Лукашэнка: Мне давялося ўначы узняць на трывогу МЗС
103- 18.02.2018, 18:22
- 117,192
У правадыра склалася надзвычайная сітуацыя.
Правадыр Беларусі Аляксандр Лукашэнка пракаментаваў нетраплянне фрыстайліста Антона Кушніра ў фінал спаборніцтваў на Алімпіядзе ў Пхенчхане.
«Наша федэрацыя спрабавала пасля гэтага падаць пратэст, перагаварыць па-добраму, па-добраму са сваімі калегамі ў Пхенчхане - міжнароднай федэрацыяй. Адказ быў ясна які. Мне давялося ўначы ўзняць на трывогу МЗС, задзейнічаць пасольства ў Рэспубліцы Карэя. Накіраваць неадкладна ўрадавую тэлеграму ў адрас Баха. Выказаў яму ўсё, як я думаю, у мяккай форме. Мы гэта ўсё апублікуем. Мы хаваць гэта не будзем», - цытуе дыктатара БелТА.
Ён адзначыў, што яму ўжо тэлефанавалі з офіса прэзідэнта МАК і паведамілі, што далі каманду разабрацца і прыняць захады. «Абурылася ўжо ўся грамадскасць спартыўная, ідуць сігналы, што гэта не нармальна», - сказаў Лукашэнка.