СК пракаментаваў смерць дзяўчыны ў менскім гандлёвым цэнтры
11- 25.02.2018, 12:47
- 37,774
Следчыя высвятляюць акалічнасці справы.
Афіцыйная прадстаўніца ўстановы Юлія Ганчарова напісала ў «Фэйсбуку», што камера відэаназірання падзення не зафіксавала.
Следчыя высвятляюць акалічнасці смерці 28-гадовай дзяўчыны ў гандлёвым цэнтры «Дана Мол» у Менску, піша tut.by.
– Паводле атрыманых звестак 24 лютага блізу 17 гадзінаў 30 хвілінаў у гандлёвым цэнтры з адрасам: г. Менск, вул. П. Мсціслаўца, 11 – 28-гадовая жыхарка сталіцы адчула сябе блага. Яна паведаміла пра гэта праз тэлефон свайму знаёмаму, які выклікаў ёй таксі. Кіроўца суправадзіў дзяўчыну ў аптэку, дзе яе самаадчуванне рэзка пагоршылася. Супрацоўнікі аптэкі і хуткай медыцынскай дапамогі праводзілі рэанімацыйныя мерапрыемствы, аднак выратаваць дзяўчыну не змаглі, – паведаміла афіцыйная прадстаўніца СК у Менску Марына Дранькова. – Першамайскім (г. Менска) раённым аддзелам Следчага камітэта паводле гэтага факта праводзіцца праверка. З мэтай высвятлення абставінаў таго, што здарылася, праведзены агляд месца здарэння, вывучаюцца відэазапісы камераў назірання гандлёвага цэнтра, апытваюцца відавочцы таго, што адбылося, і блізкія дзяўчыны. Для вызначэння дакладнай прычыны смерці прызначаная судова-медыцынская экспертыза.
Нагадаем, вечарам 24 лютага ў гандлёвым цэнтры «Дана Мол» памерла дзяўчына.