Паўднёвая Карэя: КНДР заявіла пра гатоўнасць да перамоваў з ЗША
- 25.02.2018, 15:27
- 8,488
Перамовы прайшлі ў Пхенчхане падчас закрыцця Зімовых Алімпійскіх гульняў 2018.
Кіраўнік дэлегацыі Паўночнай Карэі паводле вынікаў сустрэчы з прэзідэнтам Паўднёвай Карэі Мун Чжэ Інам заявіў, што ў Пхеньяне існуе "дастатковая гатоўнасць" да перамоваў з ЗША. Пра гэта заявілі ў адміністрацыі прэзідэнта Паўднёвай Карэі, паведамляе liga.net.
Паводле паведамлення, дэлегацыю КНДР узначаліў загадчык аддзела адзінага фронту Працоўнай партыі Паўночнай Карэі Кім Ён Чхоль.
Перамовы прайшлі ў Пхенчхане падчас закрыцця Зімовых Алімпійскіх гульняў 2018.
На днях прэзідэнт ЗША Дональд Трамп заявіў, што ЗША ўводзяць "самы вялікі ў гісторыі" пакет санкцый супраць Паўночнай Карэі, каб прымусіць яе адмовіцца ад сваіх ядзерных і ракетных праграмаў.