Прэзідэнт Мэксікі скасаваў візіт у ЗША

Падчас тэлефоннай абмеркавання будаўніцтва паркану на мяжы з Мэксікай Трамп «страціў кантроль».

Прэзідэнт Мэксікі Энрыке Пэнья Нета адклаў планаваны на люты або сакавік візіт у ЗША, падрыхтоўка да якога ішла на ўсе застаўкі. Гэтая пастанова была прынятая пасля праведзенай 20 лютага 50-хвіліннай тэлефоннай размовы паміж мэксіканскім прэзідэнтам і прэзідэнтам ЗША Дональдам Трампам, паведамляе DW са спасылкай на выданне Washington Post.

Паводле звестак выдання, Трамп "страціў над сабой кантроль", абмяркоўваючы планы будаўніцтва паркану на мяжы з Мэксікай. Энрыке Пэнья Нета спрабаваў пераканаць Трампа адмовіцца ад заяў аб тым, што мэксіканскія ўлады павінны аплаціць гэтае будаўніцтва. Трамп, паведамляе выданне, не пайшоў насустрач мэксіканскаму калегу. Раней Энрыке Пэнья Нета ўжо адкладваў свой візіт у ЗША.

Агульны кошт - 33 млрд даляраў

Згодна з разлікамі памежна-мытнай службы, выдадзеных на запыт сэнатараў, да верасня 2027 года можна пабудаваць новую загароду даўжынёй 505 км і аднавіць 651 км наяўнага паркану. Агулам будаўніцтва новага паркану, паводле звестак службы, каштавацьме 33 млрд даляраў, 18 млрд з якіх пойдуць на саму загароду, 1 млрд даляраў - на будаўніцтва дарог і 8,5 млрд даляраў - на дадатковы персанал.

Пабудова паркану на мяжы з Мэксікай - адно з перадвыбарных абяцанняў Дональда Трампа, абранага прэзідэнтам ЗША ў лістападзе 2016 года.