Расея пачала вайсковыя вучэнні ў акупаваным Крыме

У манеўрах возьмуць удзел блізу 8 тысяч вайскоўцаў і 1 400 адзінак тэхнікі.

Лагерныя зборы артылерыйскіх злучэнняў і вайсковых часцей Паўднёвай вайсковай акругі Расеі, у тым ліку ў акупаваным украінскім Крыме, прадоўжацца блізу месяца. У мерапрыемствах возьмуць удзел блізу 8 тысяч вайскоўцаў і 1 400 адзінак узбраення і вайсковай тэхнікі, у тым ліку рэактыўныя сістэмы залпавага агню "Тарнада", "Град" і "Ураган", самаходныя артылерыйскія ўстаноўкі "Хоста", "Мста-С" і "Акацыя", супрацьтанкавыя ракетныя комплексы "Хрызантэма".

Расея пачала вайсковыя вучэнні ў акупаваным Крыме, паведамляе прэс-служба міністэрства абароны Расеі 19 сакавіка.

"Падраздзяленні ракетных войскаў і артылерыі Паўднёвай вайсковай акругі (ПВА) прыступілі да выканання агнявых задач у палявых умовах. Баявая падрыхтоўка артылерыстаў арганізаваная на 19 палігонах вайсковай акругі, размешчанай у Астраханскай, Валгаградскай і Растоўскай абласцях, на Стаўраполлі і Кубані, у Адыгеі, Дагестане, Інгушэціі, Паўночнай Асеціі, Крыме і Чачэніі, а таксама ў месцах расейскіх вайсковых баз у Абхазіі, Арменіі і Паўднёвай Асеціі", - сказана ў паведамленні.

Адзначаецца, што ў лагерных зборах артылерыі ПВА возьмуць удзел самаходна-артылерыйскія дывізіёны вялікай магутнасці артылерыйскіх частак, дыслакаваных у Паўночна-Каўказскім рэгіёне і на Доне.

"На ўзбраенні дывізіёнаў вялікай магутнасці знаходзяцца 240-мм самаходныя мінамёты "Цюльпан" і 203-мм самаходная артылерыйская гармата "Півоня". Асаблівасцю вучэнняў стане максімальнае прыцягненне да выканання агнявых задач комплексаў беспілотных лятальных апаратаў, а таксама сродкаў артылерыйскай выведкі, такіх як мабільныя радыёлакацыйныя комплексы "Заапарк", "Аісцёнак" і іншых", - паведамілі ў міністэрстве абароны.

Ва ўстанове дадалі, што "у ходзе выканання баявых стрэльбішчаў кожная артылерыйская вайсковая часць выдаткуе больш за 1 тысячу боепрыпасаў рознага тыпу і калібру".

"Лагерные зборы артылерыйскіх злучэнняў і вайсковых часцей ПВА працягнуцца блізу месяца. Мерапрыемствы баявой падрыхтоўкі носяць планавы характар і накіраваныя на падвышэнне баявой зладжанасці падраздзяленняў. Усяго ў лагерных зборах возьмуць удзел амаль 8 тысяч вайскоўцаў і задзейнічана блізу 1 400 адзінак узбраення і ваеннай тэхнікі, у тым ліку рэактыўныя сістэмы залпавага агню (РСЗА) "Тарнада", "Град" і "Ураган", самаходныя артылерыйскія ўстаноўкі "Хаста", "Мста-С" і "Акацыя", самаходныя супрацьтанкавыя ракетныя комплексы "Хрызантэма", - згадвалася ў паведамленні.

Расея анэксавала Крым пасля незаконнага рэферэндуму 16 сакавіка 2014 года. Далучэнне паўвыспы да РФ не прызнаецца Украінай і большасцю краін свету.