Фотафакт: Менчукі сталі ў чаргу па бясплатную шаўрму
26- 23.03.2018, 14:42
- 21,248
На месцы «Хутка смачна» адкрылася кавярня шаўрмы.
Сёння на месцы былой міні-кавярні «Хутка смачна» на Якуба Коласа адкрылася кавярня шаўрмы. Увесь дзень тут бясплатна раздаюць шаўрму. Чарга па яе стаіць з самай раніцы, піша Tut.by.
Доўгі час у павільёне на Якуба Коласа працавала міні-кавярня «Хутка смачна». Цяпер гэта месца арандуе дырэктар кавярні шаўрмы Мухамед. Ён распавядае, што сёння яны адкрыліся і таму ўвесь дзень частуюць гасцей маленькай шаўрмой, якая звычайна каштуе 4 рублі.
У тэлеграм-канале koko.by з'явілася фота з чаргой. Мухамед кажа, што людзі пачалі прыходзіць з 9 раніцы.
- Мы ўжо не паспяваем спраўляцца з усімі замовамі. Людзей шмат. Таму будзем працаваць да 9-й вечара і закрывацца.
Пры гэтым кавярня шаўрмы працуе паводле графіку з 8 раніцы да 4 раніцы.
Мухамед кажа, што нягледзячы на тое што працаўнікі не паспяваюць спраўляцца з заказамі, у новым месцы, дзе было «Хутка смачна», на Нямізе таксама будуць раздаваць бясплатную шаўрму ў першы дзень працы. Праўда, дата адкрыцця наступнай абноўленай міні-кавярня яшчэ невядомая.