У Беларусі зноў даражэе бензін

Кошты на запраўках вырастуць з 24 сакавіка.

З 24 сакавіка ў Беларусі падаражэе аўтамабільнае паліва. Раздробныя кошты на аўтазаправачных станцыях павялічацца на 1 капейку, або ў сярэднім на 0,76 адсотка. Гэта чацвёртае падаражанне сёлета.

Як паведамілі ў прэс-службе «Белнафтахіма», з 24 сакавіка кошт 1 літра бензіну АІ-92-К5-Еўра складзе 1 рубель 24 капейкі, АІ-95-К5-Еўра - 1 рубель 32 капейкі, АІ-98-К5-Еўра - 1 рубель 54 капейкі, ДТ - 1 рубель 35 капеек.

Апошнім разам кошт паліва змяняўся 15 сакавіка: бензін і дызпаліва тады падаражэлі на 1 капейку.

Нагадаем, 10 сакавіка ў «Белнафтахіме» распавялі аб новым механізме змянення коштаў аўтамабільнага паліва. У канцэрне патлумачылі, што названым механізмам у залежнасці ад змены сітуацыі на нафтавым рынку прадугледжваецца магчымасць карэкціроўкі коштаў нафтапрадукты як у бок іх павелічэння, так і зніжэння. Пры гэтым прадугледжваецца паступовы выхад на ўзровень коштаў, супастаўны з дзейным на расейскім рынку. У далейшым кошты будуць карэктавацца ў адпаведнасці са зменамі сусветных коштаў нафты, курсу нацыянальнай валюты і падатковай нагрузкі на нафтаперапрацоўчыя заводы.