Пляменніка Пуціна абралі ў кіраванне «Газпрамам»
9- 23.03.2018, 18:05
- 17,444
Міхаіл Пуцін валодае невялікім пакетам акцый «Газпрама».
Рада дырэктараў «Газпрама» выбрала Міхаіла Яўгенавіча Пуціна (сын стрыечнага брата прэзідэнта Расеі Яўгена Пуціна) сябрам праўлення кампаніі і ўзгадніў яго прызначэнне намеснікам старшыні праўлення. У паведамленні «Газпрама» адзначаецца, што Міхаіл Пуцін абраны ў праўленне кампаніі тэрмінам на пяць гадоў, паведамляе rbc.ru.
У дакуменце адзначаецца таксама, што Міхаіл Пуцін мае невялікі пакет акцый «Газпрама» сумаю 0,000313% статутнага капіталу. Паводле бягучых рынкавых коштаў такі пакет складае прыкладна 10,5 млн руб.
Раней крыніца РБК паведамляла, што Міхаіл Пуцін можа заняць у праўленні «Газпрама» месца нябожчыка намесніка старшыні праўлення «Газпрама» Аляксандра Казлова, які займаўся каардынацыяй гаспадарчага і матэрыяльна-тэхнічнага забеспячэння кампаніі, але ў 2017 годзе раптоўна памёр у 65 гадоў.
Прэс-сакратар прэзідэнта Расеі Дзмітрый Пяскоў казаў журналістам, што Міхаіл Пуцін з'яўляецца «далёкім сваяком прэзідэнта», дадаўшы, што яны фактычна не маюць зносін.
Міхаіл Пуцін, сын стрыечнага брата прэзідэнтаЯўгена Пуціна, нарадзіўся ў Іванава ў 1967 годзе. У 2004- 2007 гадах ён працаваў начальнікам медыцынскага ўпраўлення ААТ «Газпрам», з 2007 года займае пасаду намесніка старшыні праўлення ААТ «СОГАЗ».