Украіне вернуць «скіфскае золата»

Суд Амстэрдама прыняў пастанову аб перадачы Украіне неацэннай музейнай калекцыі.

«Скіфскае золата» павінна быць перададзенае Украіне. Такую пастанову прыняў акруговай суд Амстэрдама, паведамляе 23 сакавіка Gazeta.ua.

Згодна з пастановай суда, артэфакты будуць заставацца ў Нідэрландах на працягу ўсяго перыяду, пакуль бакі будуць абскарджваць гэтую пастанову.

У Галандыі таксама падлічылі, што Украіна павінна заплаціць музею за захоўванне артэфактаў больш за 100 тысяч еўраў.

Раней міністр культуры Расеі Уладзімір Мядзінскі заяўляў пра пагрозу прыпынення музейных стасункаў з Нідэрландамі праз сітуацыю са скіфскім золатам.

Нагадаем, працэс вяртання «скіфскага золата» зацягваецца праз спрэчкі паміж Расеяй і Украінай. Як раней заяўляла першая намесніца міністра інфармацыйнай палітыкі Украіны Эмінэм Джэпар, «Расейская Федэрацыя праз сваіх абаронцаў, кансультацыі галандскіх адвакатаў не хоча вяртаць гэтыя артэфакты ва Украіну, намагаючы на тым, што гэтыя артэфакты належаць народу Крыму». Са слоў Джэпар, экспанаты належаць Музейнаму фонду Украіны.